DR Congo - Goma: Batanu bamaze gupfira mu myigaragambyo n’ubusahuzi
Ahavuye isanamu, Social Media
Abantu batanu bamaze gupfira mu myigaragambyo irimo ibikorwa bikomeje byo gutwika no gusahura ibigo bya MONUSCO mu mujyi wa Goma, nk’uko abategetsi babivuga.
Umuvugizi wa leta ya DR Congo, Patrick Muyaya, yatangaje kuri Twitter ko abagera kuri batanu bamaze gupfa abagera kuri 50 bagakomereka muri izi mvururu zikomeje.
MONUSCO yamaganye ibitero ku nyubako zayo i Goma ivuga ko amahoro atazabonekera "mu mvururu".
Amashusho ateye ubwoba yashyizwe ku mbuga nkoranyambaga agaragaza umwe mu bigaragambya aryamye anakururwa hasi, abandi batera hejuru ko arashwe na MONUSCO agapfa.
Nta gihamya ko uwo muntu yarashwe na MONUSCO nk'uko abo babivuga.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa, 1
BBC ntibazwa ibivuye ku zindi mbuga.
Ibinyamakuru muri DR Congo bivuga ko kuwa mbere hapfuye abantu batandatu barashwe n’izi ngabo za ONU zishaka kubabuza gusagarira no gusahura inyubako zabo.
Kuri izo mfu z'abantu MONUSCO ntacyo irabitangazaho.
Kuwa kabiri abaturage bigabije kimwe mu bigo bya MONUSCO i Goma basahura ibikoresho byacyo, nk'uko ibinyamakuru byaho bibivuga.
Abigaragambya bavuga ko bashaka ko izi ngabo za ONU ziva mu gihugu cyabo, ariko barimo kurangwa n'ibikorwa byo gusahura.
Itangazo rya MONUSCO ryo mu ijoro ryo kuwa mbere rivuga ko “yamagana ishimitse”, abo yise “itsinda ry’abasahuzi bikinze mu myigaragambyo” yari yabujijwe n’umukuru wa Goma.
Andi mashusho yashyizwe ku mbuga nkoranyambaga yerekana uwigaragambya abaza umupolisi wa MONUSCO igihe bazasubirira iwabo.
Uyu amusubiza ko ari “vuba”, undi akamubwira ko barambiwe kuko bahora bababwira gutyo.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa, 2
BBC ntibazwa ibivuye ku zindi mbuga.
Mu itangazo ryayo, MONUSCO yibutsa ko ifatanya na leta kurwanya imitwe yitwaje intwaro, gusubizaho ubutegetsi, no kurinda abasivile.
Abigaragambya bo banenga MONUSCO kuba mu myaka irenga 20 imaze mu burasirazuba bwa DR Congo nta musaruro itanga kuko aka gace gakomeje kuba isibaniro.
Khassim Diagne, umukuru wa MONUSCO w’inzibacyuho, mu itangazo ryamagana ibyabaye ejo kuwa mbere yagize ati:
“Mu mvururu no mu rujijo cyangwa gucanamo ntabwo ariho tuzagera ku gahenge n’amahoro.”
- Gukosora: Iyi nkuru yavuguruwe hakurwamo agace kari kashyizwe, bitari byo, ku muvugizi wa MOONUSCO Khady Lo Ndèye
