Kuki pasiporo ya Amerika itakiri muri pasiporo 10 zikomeye kw'isi?

Pasiporo ya Amerika ntikiri mu icumi zikomeye kw'isi. Urutonde rwa Henry Passport rusuzuma agaciro n'uburemere bwa pasporo kw'isi ruherutse rwerekanako iyi pasporo iri ku mwanya wa 12, bikaba bibaye ku nshuro ya mbere mu myaka 20.

Ikigereranyo cyakozwe kinashyirwa ahagaragara na Henley & Partners ikoresheje amakuru yaturutse mu ishyirahamwe mpuzamahanga ryo gutwara abantu n'ibintu mu kirere (IATA), urutonde rwa pasiporo 199 hakurikijwe aho umuntu ashobora kujya nta viza mu bihugu 227 hamwe n'akarere.

Mu 2024, pasiporo y'Abanyamerika yari ikiri kumwanya wa 7 mbere yo kugwa ku ya 10 Nyakanga(7), hanyuma igera ku ya 12 kuva mu Ukwakira(10).

Kuri Christian H. Kaelin, perezida wa Henley & Partners akaba ari nawe washizeho uru urutonde, uku gusubira inyuma kwerekana impinduka zirimo kuba kw'isi.

Yasobanuye ati: "Kugabanuka k'uburemere bwa pasiporo y'Abanyamerika ntibigaragaza gusa urutonde, ahubwo binagaragaza ihinduka ry'imiterere y'isi ndetse n'ingufu z'iki gihugu."

Abafite pasiporo yo muri Amerika bashobora gutembera nta viza mu bihugu 180. Ugereranije, Leta Zunze Ubumwe z'Amerika zemerera abaturage b'ibihugu 46 gusa kwinjira muri icyo gihugu nta viza.

Politike yo gukumira abinjira, cyane cyane yashyizweho ku butegetsi bwa Perezida Donald Trump, nayo yagize uruhare mu kugabanya agaciro ka pasiporo ziki gihugu. Ibihugu 12 byo muri Afurika, Uburasirazuba bwo hagati, n'byo mu majyepfo ya Aziya byahuye n'inzitizi z'iri komanyirizwa rya Amerika.

Bamwe mu benegihugu b'Abanyafurika ubu basabwa kwishyura viza kugiciro kingana n'amadolari y'Abanyamerika 5,000 kugeza ku bihumbi 15.000.

Aya madorari bakaba bashobora kuyasubizwa mu gihe bavuye muri Amerika.

Pasiporo y'Ubwongereza yo yavuye ku mwanya wa 6 igera ku mwanya wa 8 kuva isuzuma riheruka ryakozwe mu kwezi kwa Nyakanga.

Uru rutonde rwa Henrey Index rushya rugaragaza ubwiganze bw'ibihugu bya Aziya mu gusurwa.

Igihugu cya Singapore kigumana umwanya wa mbere mu gutanga viza itishyurwa ku bihugu 193.

Koreya y'Epfo itanga viza zitishyurwa ku bihugu 190 naho Ubuyapani bugatanga viza yabwo ku bihugu 189.

Ubudage, Ubutaliyani, Luxembourg, Espagne n'Ubusuwisi byose biza ku mwanya wa kane aho bikaba bitanga viza zitishyurirwa ku bihugu 188.

Ubwongereza ubu busangiye umwanya wa 8 na Emira Zunze Ubumwe z'Abarabu, Croatia na Slovenia, ibi bihugu bikaba bitanga viza 184 z'ubuntu.

Ku ruhande rwayo, Canada iri ku mwanya wa 9 n'ibihugu 183, naho Lativiya na Liechtenstein nibo basoza urutonde rwibwo bihugu 10 byambere bitanga viza 182 zitishyurirwa.

Byifashe gute muri Afurika n'ahandi?

Muri Afurika, igihugu cya Seychelles kigumana umwanya wacyo wa mbere, kikaba gitanga viza zitishyurwa ku bihugu 155. Seychelles iza ku mwanya wa 26 kw'isi.

Ibirwa bya Maurice bikurikiranira hafi bikaga biri kumwanya wa 29 kw'isi, bikaba bitaga viza zitishyurwa kubihugu 148, naho Afurika y'Epfo iza kumwanya wa 53 igatanga viza z'ubuntu kubihugu 102.

Ikurikirwa na Botswana, Namibiya, Lesotho, Eswatini, Maroc, Malawi, Kenya, Tanzaniya, Gambiya na Ghana.

Ku rundi ruhande rw'urutonde, Nigeria iri ku mwanya wa 96, uwo mwanya ikaba iwusangiye na Ethiopia, Liban na Myanmar, buri gihugu gitanga viza mu bihugu 44 gusa.

Pasiporo idakomeye ku isi iracyari iya Pakisitani, Yemeni, Iraki na Siriya.

Ibihugu 10 bya mbere bifite pasiporo zikomeye