Amatora muri DRC: Polisi yatatanije abigaragambya bashyigikiye abatavuga rumwe na leta

Inyandiko gusa
Abaje mu myigaragambyo bahungiye mu rugo rw'ishyaka rya Martin Fayulu bahunga abamabuye y'umupolisi

Ahavuye isanamu, Getty Images

Insiguro y'isanamu, Martin Fayulu avuga ko hari abakomereye kuri ibi biro bye

Umwe mu batavuga rumwe na leta muri Repubulika ya Demokarasi ya Congo, Martin Fayulu, avuga ko hari abantu benshi bakomeretse igihe abapolisi batatanyaga abamushyigikiye imbere y'ibiro bikuru by’ishyaka rye ku murwa mukuru Kinshasa.

Abanyapolitike batavuga rumwe n'ubutegetsi bari bahamagaye abantu ngo bajye mu myigaragambyo, inyuma yo kwanga amatora yabaye mu cyumweru gishize, bakavuga ko yabayemo amariganya kubera ukuntu yagiye atinda mu bice bimwe bimwe, n'akajagari gafatiye kw'itunganywa ryayo.

Misitiri w’ubutegetsi bw’igihugu yari yavuze ko minisiteri ye yabujije iyo myigaragambyo bitewe n’uko ngo yari iganije kwonona ibikorwa by'amatora.

Umugabo waje kwigaragambya yavanyemo ishati

Ahavuye isanamu, getty images

Insiguro y'isanamu, Uburakari bwabonekaga mu baje mu myigaragambyo

Abigaragambyaga batatanijwe ubwo bageragezaga kujya aho bagombaga guhurira, mbere yo gutangira urugendo rwabo mu mahoro.

Igipolisi cyakoresheje ibyuka biryana mu maso kugira ngo kirukane abari bashyizeho bariyeri kandi bagatwika amapine.

Mu guhangana, abapolisi n'abigaragambyaga bateranye amabuye ku cyicaro gikuru cya Martin Fayulu, umwe mu bakandida ku mwanya wa perezida, wari wahamagaje imyigaragambyo y'uyu munsi.

Blaise Kilimbambalimba, umukuru wa Polisi i Kinshasa, yatangarije itangazamakuru ko byibuze abapolisi babiri bakomeretse.

Yongeyeho ko bamwe mu bigaragambyaga na bo bakomeretse, muri bo hakaba ngo harimo abana bato, ngo batagomba kwigaragambya.

Skip Ibisomwa cane and continue reading
Ibisomwa cane

End of Ibisomwa cane

Kugeza ubu, umubare nyawo w'abakomeretse nturamenyekana ku mpande zombi.

Skip content and continue reading

End of content

Umupolisi ari kwirukana abaje mu myigaragambyi ari iruhande rw'amapine ari gushya

Ahavuye isanamu, getty images

Insiguro y'isanamu, Igipolisi cya Congo nticyigeze giha umwanya abaje mu myigaragambyo...

Mu yindi mijyi yo muri Congo, hari hateguwe ingabo n'abapolisi kugira ngo nihaba imyigaragambyo yamagana amatora bayihoshe.

Abakandida ku mwanya wa perezida batari munsi y'icumi banze kwemera amajwi amaze kubarurwa yerekana ko umukuru w'igihugu ucyuye igihe Felix Tshisekedi aza imbere.

Martin Fayulu, Moïse Katumbi, Denis Mwekege, n'abandi bakandida ku mwanya wa perezida ubu barasaba ko amatora yo kuwa gatatu ushize asubirwamo.

Barashinja akanama gashinzwe amatora uburiganya muri gahunda yo kubera perezida ucyuye igihe. Ibyo birego ariko ako kanama karabihakana.