Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Espagne yegukanye igikombe cy'isi cy'abagore itsinze Ubwongereza
Ikipe y'igihugu y'abagore ya Espagne yegukanye igikombe cy'isi itsinze Ubwongereza igitego 1-0 ku mukino wa nyuma wabereye ku kibuga Stadium Australia kuri iki cyumweru.
Kapiteni wa Espagne Olga Carmona ni we watsinze icyo gitego ku munota wa 29.
Ikipe y'Ubwongereza, the Lionesses – yashakaga kuba ikipe ya mbere y'Ubwongereza itsinze umukino wa nyuma wo mu cyiciro cy'abakuru ku rwego rw'isi kuva mu mwaka wa 1966 – yarushijwe cyane na La Roja ya Espagne yakinaga umupira urimo kunyaruka cyane.
Ikipe y'igihugu ya Espagne, itozwa na Jorge Vilda, ikinnye iyi mikino y'igikombe cy'isi ku nshuro ya gatatu.
Yitwaye neza kuva yanyagirwa n'Ubuyapani ibitego 4-0 mu mikino yo mu matsinda, nyuma isezerera Ubusuwisi, Ubuholandi na Sweden.
Espagne ibaye igihugu cya gatanu gitandukanye cyegukanye igikombe cy'isi cy'abagore, kuri iyi nshuro ya cyenda iri rushanwa ribaye.
Ibindi bihugu bimaze kucyegukana ni Amerika (yacyegukanye inshuro enye), Ubudage (bwacyegukanye inshuro ebyiri), Norvège (yacyegukanye inshuro imwe) n'Ubuyapani (bwacyegukanye inshuro imwe).
