Nigeria yagaragayemo abarwayi batandatu ba monkeypox mu kwezi kwa gatanu

Inyandiko gusa
Ibimenyetso bya monkeypox birimo nko kugira uburyaryate butera kwishimashima, hamwe no kubabuka umubiri cyane cyane ku birenge no ku biganza

Ahavuye isanamu, Getty Images

Insiguro y'isanamu, Ibimenyetso bya monkeypox birimo nko kugira uburyaryate butera kwishimashima, hamwe no kubabuka umubiri cyane cyane ku birenge no ku biganza

Muri uku kwezi kwa gatanu Nigeria yagaragayemo abantu batandatu banduye virusi ya monkeypox muri leta enye, nkuko byatangajwe ku cyumweru n'ikigo cy'Afurika cyo kurwanya no gukumira indwara (CDC).

Abo bantu babonetse muri leta ya Bayelsa (yabonetsemo babiri), leta ya Adamawa (yabonetsemo babiri), leta ya Lagos (yabonetsemo umwe) na leta ya Rivers, na yo yabonetsemo umuntu umwe.

Kuva uyu mwaka watangira, iki gihugu kimaze kwemeza abantu 21 bose hamwe banduye iyi ndwara, ijya kumera nk'ubushita. Umwe muri bo byatangajwe ko yamwishe - ni umurwayi wari ufite imyaka 40.

Babonetse muri leta icyenda no mu murwa mukuru Abuja.

CDC yavuze ko hari umurwayi umwe wari wasuye iki gihugu "wakuye monkeypox muri Nigeria" ayijyana mu Bwongereza. Uwo muntu yatahuwe n'abategetsi b'Ubwongereza ku itariki ya 6 y'uku kwezi kwa gatanu.

Ibiza by'iyi virusi byagaragaye i Burayi, muri Australia no ku mugabane w'Amerika.

Ibimenyetso by'iyi virusi birimo nko guhinda umuriro no kugira uburyaryate butera kwishimashima - ariko ubu bwandu akenshi buba bworoheje.