Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Ukraine: Umukuru w'umujyi wa Bucha avuga ko Russia yishe abasivile 320
Umuyobozi w'umujyi wa Bucha muri Ukraine yabwiye BBC ko abaturage b'abasivile bagera kuri 320 bishwe barashwe n'ingabo z'Uburusiya mu gihe zari zarigaruriye uwo mujyi.
Mu kiganiro Word Tonight, Anatoly Fedoruk yavuze ko we ubwe yiboneye iyicwa ry'abantu benshi rikozwe n'ingabo z'Uburusiya.
Ati: "Nabonye ibice byinshi [by'ubwicanyi].
"Hari imodoka eshatu z'abasivile zari zirimo kugerageza guhunga zerekeza i Kyiv nuko bicwa barashwe mu buryo bwa kinyamaswa.
"Hari umugore wari utwite, umugabo we yari arimo kuboroga asaba ngo ntibamurasire umugore, ariko bamwica bamurashe mu buryo bwa kinyamaswa".
Fedoruk yanashinje ingabo z'Uburusiya kuba zarahigaga abanyapolitiki bo muri ako karere mu gihe zamaze zarahigaruriye.
Minisitiri w'ububanyi n'amahanga w'Uburusiya Sergei Lavrov yahakanye ibirego by'ibyaha byo mu ntambara bishinjwa ingabo z'Uburusiya.
'Mayor' Fedoruk yamusabye "kuza mu mujyi wa Bucha akareba imirambo y'abapfuye ubundi akareba mu maso y'imiryango yabo, ba nyina, abagabo babo, abana bahindutse imfubyi".
