Mali: Umugabo washinjwaga kugerageza gutera icyuma Perezida Goïta yapfuye

Inyandiko gusa
Umugabo ushinjwa kugerageza gutera icyuma Perezida w'inzibacyuho wa Mali Col Assimi Goïta, agaragara aryamye mu modoka ya gisirikare nyuma yo gutabwa muri yombi mu murwa mukuru Bamako.

Ahavuye isanamu, Reuters

Umugabo washinjwaga ko mu cyumweru gishize yagerageje gutera icyuma (cyangwa imbugita mu Kirundi) Perezida w'inzibacyuho wa Mali Col Assimi Goïta, yapfiriye mu bitaro arinzwe, nkuko leta ibivuga.

Uwo mugabo, utatangajwe izina, yatawe muri yombi nyuma y'ibivugwa ko ari umugambi wapfubye wo kugerageza gutera icyuma Perezida. Byabaye ubwo Bwana Goïta yari mu masengesho mu musigiti.

Itangazo rya leta ya Mali ryavuze ko ubuzima bw'uwo mugabo bwarushijeho kuba bubi aho yari afungiye, ajyanwa ku bitaro, ari na ho yapfiriye.

Bivugwa ko icyateje urupfu rwe kirimo gukorwaho iperereza.

Bwana Goïta yahiritse ubutegetsi bubiri muri Mali kuva mu kwezi kwa munani mu 2020.

Leta yavuze ko ubuzima bw'uwo mugabo bwarushijeho kuba bubi aho yari afungiye

Ahavuye isanamu, AFP

Insiguro y'isanamu, Leta yavuze ko ubuzima bw'uwo mugabo bwarushijeho kuba bubi aho yari afungiye