Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Uganda: Perezida Museveni araburira abatangaza ibinyoma ku mbuga nkoranyambaga ko yapfuye
Perezida wa Uganda Yoweri Museveni arashaka ko abantu bandika ibihuha ku mbuga nkoranyambaga ko yapfuye, batabwa muri yombi.
Perezida Museveni yavuze ko imbuga nkoranyambaga zirimo kuba ikibazo ndetse ko zikwiye kugenzurwa.
Hari bamwe mu bakoresha imbuga nkoranyambaga bakwirakwije ibihuha ku buzima bwa Perezida Museveni n'umuhungu we w'imfura.
Bwana Museveni yagize ati: "Bigaragara ko imbuga nkoranyambaga zimaze igihe zivuga ko Museveni yapfuye...mushakishe vuba abo bavuga izo nkuru kuko murimo gutesha abantu igihe".
Perezida Museveni yavuze ko hari umuhango yagiyemo nyuma yuko ibyo bihuha bikwirakwijwe, abona abantu "bahangayitse".
Mu bihe byashize, Bwana Museveni yagiye asaba ko ibikorerwa ku mbuga nkoranyambaga mu gihugu bishyirirwaho amategeko abigenga.
Mu matora ya perezida yo mu kwezi kwa mbere, kugera ku mbuga nkoranyambaga mu buryo busanzwe byarahagaritswe, mu gihe hari impungenge ku ihonyorwa ry'uburenganzira bwa muntu.
