Avatar yongeye kuba film yinjiza cyane kurusha izindi zose ku isi

Avatar, filimi ya kompanyi ya Blockbuster yisubije umwanya wa mbere nka filimi yinjiza akayabo ku isi nyuma y'uko yongeye kumurikwa mu Bushinwa.

Iyi filimi ikinwe ishingiye kuri siyansi yasohotse mu 2009 yamaze imyaka 10 ariyo yinjiza cyane ku isi, ariko mu 2019 iyitwa Avengers:Endgame iyicaho.

Nyuma yo kongera kumurikwa ku isoko rinini kurusha ayandi ku isi mu kureba filimi - Ubushinwa - kugurwa kwayo byarenze miliyari $2.8 muri weekend.

Kuva iki cyorezo cyatangira guheza abantu mu ngo Ubushinwa bwahindutse isoko rinini ryo kureba filimi.

Avatar yayobowe na James Cameron, kuwa gatanu ushize gusa yungutse miliyoni $4 ihita ica kuri Endgame, nk'uko bivugwa na Walt Disney kompanyi yayikwirakwije.

Disney niyo nyiri izi filimi zombi nyuma yo kugura igisata cy'imyidagaduro cya Fox mu 2019. Ni nayo nyiri filimi ya Titanic, ya gatatu muri filimi zinjiza amafaranga menshi.

Mu 2019 ubwo Endgame yacaga kuri Avatar, Bwana Cameron yashyize kuri Twitter ifoto ya Iron Man wo muri Avengers iruhande rwa Avatar, ashyiraho ubutumwa bwo gushima.

Cameron ubu ari gukora utundi duce tune dukomeza Avatar. Ni indi filimi, yakererejwe kenshi, biteganyijwe ko izasohoka mu kwa 12/2022.

Jon Landau wakoze filimi ya Avatar yagize ati: "Twishimiye kugera kuri iyi ntera, ariko njyewe na Jim (James Cameron) turishimye ko iyi filimi igarutse kuri uru rwego mu bihe bikomeye gutya, turashima abafana bacu mu Bushinwa".

Aherekanirwa filimi mu Bushinwa hamaze amezi menshi hafunguye kuva batangira gusa n'abatsinda iki cyorezo.

Mbere yo kongera kumurikwa mu Bushinwa, Avatar yari yarinjije miliyoni $760 muri Amerika, yaranarenzeho gato miliyari $2 ku rwego rw'isi.

Mu ntangiriro z'uku kwezi, Disney yerekanye muri Aziya y'epfo ishyira uburasirazuba filimi yayo ya mbere ivuga ku mugore w'intwari.

Raya and the Last Dragon, igaragaza uwo mugore agenda ahanyuranye muri ako karere ahuza abantu anagerageza gukiza isi.