Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Charles Taylor wahoze ari Perezida wa Liberia 'yangiwe kwimurirwa mu yindi gereza'
Urukiko rwihariye rwo muri Sierra Leone rwanze ubusabe bwa Charles Taylor wahoze ari Perezida wa Liberia wasabye kwimurwa akava muri gereza yo mu Bwongereza avuga ko afite ibyago byo kwandura coronavirus, nkuko ibiro ntaramakuru AFP bibitangaza.
AFP ivuga ko Taylor w'imyaka 72 yavuze ko icyorezo cya coronavirus mu Bwongereza gishyize mu kaga gakomeye ubuzima bwe, agashaka kwimurirwa "mu gihugu kindi gitekanye".
Urukiko rwihariye rwasigaye rurangiza imirimo yasizwe n'urukiko rushyigikiwe na ONU/UN ku byaha byakorewe muri Sierra Leone, rwavuze ko atasobanuye ibihugu afata ko bitekanye.
Rwongeyeho ko ishami ry'umuryango w'abibumbye ryita ku buzima (OMS/WHO) nta gihugu na kimwe ku isi ryari ryatangaza ko cyarangiyemo Covid-19.
Mu 2012 Taylor yakatiwe gufungwa imyaka 50 n'urukiko rushyigikiwe na ONU rwashyiriweho guca imanza ku byaha by'intambara muri Sierra Leone rw'i The Hague (La Haye) mu Buholandi.
Yahamwe n'ibyaha byo gutera inkunga no kureberera inyeshyamba zo muri Sierra Leone mu ntambara yo kuva mu mwaka wa 1991 kugera mu 2002.
