Perezida Idriss Déby Itno yahawe ipeti rya 'Maréchal du Tchad'
Ahavuye isanamu, TWITTER/Idriss Déby Itno
Inteko ishingamategeko ya Tchad yaraye ihaye Perezida Idriss Déby Itno ipeti rya 'Maréchal du Tchad' (rizwi mu Cyongereza nka 'field marshal').
Byabereye mu birori byo kwizihiza isabukuru y'imyaka 60 ishize Tchad ibonye ubwigenge.
Yakolonijwe n'Ubufaransa.
Iryo peti ni ryo risumba ayandi yose atangwa mu gisirikare cy'iki gihugu. Nta wundi wigeze urihabwa muri iki gihugu.
Umukuru w'inteko ishingamategeko ya Tchad yavuze ko Perezida Déby ahawe icyo cyubahiro mu kumushimira ukuntu mu kwezi kwa kane yayoboye ibikorwa byo guhashya intagondwa zigendera ku mahame akaze ya kisilamu.
Cyo kimwe n'ibihugu bihana imbibi nayo byo mu karere ka Sahel, Tchad imaze igihe ihanganye n'ibitero by'imitwe y'intagondwa zigendera ku mahame akaze ya kisilamu.
Amagambo yo muri ibyo birori ya Haroun Kabadi, umukuru w'inteko ya Tchad, yasubiwemo agira ati:
"Uri intangarugero n'icyitegererezo kuri Tchad".
Bwana Déby w'imyaka 68 - umaze imyaka 30 ku butegetsi - yavuze ko icyubahiro ahawe cy'iryo peti agituye abasirikare bagenzi be.
Yagize ati: "Turacyari ku nkeke zitewe n'iterabwoba, kandi nta mpuhwe rigira... Urugamba rwo kurwanya iterabwoba ni inshingano ikomeye kandi ruzakomeza kuba mu biduhangayikishije".
Kuri Twitter, ubu yamaze guhindura umwirondoro we yongeramo iryo peti yaraye ahawe rya 'Maréchal'.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
