Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Coronavirus: Perezida Lungu wa Zambia yasabye Ubushinwa koroherezwa mu kwishyura umwenda
Perezida Edgar Lungu wa Zambia yasabye Perezida Xi Jinping korohereza igihugu cye mu kwishyura umwenda kibereyemo Ubushinwa.
Bwana Lungu yabimusabye mu kiganiro kuri telefone abategetsi bombi bagiranye ejo ku wa mbere.
Nkuko bikubiye mu itangazo ryasohowe n'ibiro bye, Perezida Lungu yavuze ko impamvu ari uko umusaruro igihugu cye cyinjiza wagabanutse kubera icyorezo cya coronavirus.
Iryo tangazo rigira riti: "Perezida Lungu yasabye koroherezwa no gukurirwaho umwenda bitewe n'igabanuka ry'umusaruro igihugu cyinjiza kubera ingaruka zatewe n'icyorezo".
"Binatewe kandi n'ibindi igihugu gicyeneye, ngo kibone amikoro ahagije yo kurwanya icyorezo no kuzahura ubukungu".
Abo bategetsi biyemeje gutsimbataza ubufatanye hagati y'ibihugu byombi.
