Coronavirus: Perezida Lungu wa Zambia yasabye Ubushinwa koroherezwa mu kwishyura umwenda

Inyandiko gusa
Perezida Lungu (ibumoso) yabwiye mugenzi we w'Ubushinwa ko umusaruro w'igihugu cye wagabanutse

Ahavuye isanamu, Getty Images

Insiguro y'isanamu, Perezida Lungu (ibumoso) yabwiye mugenzi we w'Ubushinwa ko umusaruro w'igihugu cye wagabanutse

Perezida Edgar Lungu wa Zambia yasabye Perezida Xi Jinping korohereza igihugu cye mu kwishyura umwenda kibereyemo Ubushinwa.

Bwana Lungu yabimusabye mu kiganiro kuri telefone abategetsi bombi bagiranye ejo ku wa mbere.

Nkuko bikubiye mu itangazo ryasohowe n'ibiro bye, Perezida Lungu yavuze ko impamvu ari uko umusaruro igihugu cye cyinjiza wagabanutse kubera icyorezo cya coronavirus.

Iryo tangazo rigira riti: "Perezida Lungu yasabye koroherezwa no gukurirwaho umwenda bitewe n'igabanuka ry'umusaruro igihugu cyinjiza kubera ingaruka zatewe n'icyorezo".

"Binatewe kandi n'ibindi igihugu gicyeneye, ngo kibone amikoro ahagije yo kurwanya icyorezo no kuzahura ubukungu".

Abo bategetsi biyemeje gutsimbataza ubufatanye hagati y'ibihugu byombi.