Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Umugabo yatwawe ariko arabatizwa mu ruzi i Accra muri Ghana
Umugabo w'imyaka 20 yatwawe n'uruzi ariko arabatizwa na Pasitori mu bumanuko bwa Accra, umugwa mukuru wa Ghana.
Mu mashusho ya videwo aca ku mbuga hwaniro, Yaw Kyeremeh aboneka ari ku nkengera z'uruzi Densu, ari kumwe n'umupasitori amwibiza mu ruzi.
Hanyuma inyuma yo kumusengera asubira kumwibiza mu mazi ubwa kabiri, ariko ntiyasubira kwiburuka.
Umuvugizi w'igipolisi c'akarere Afia Tenge yabwiye BBC ko hari umupasitori akiri muto yafashwe, mu gihe igipolisi kikiriko kirahiga pasitori mukuru w'isengero ryateguye iyo batisimu.
Uwo muntu yatwawe n'amazi ku munsi w'Imana, bikaba vyatumye abantu bibaza igituma umuntu yorinda apfa ngo nuko ariko arabatizwa.
Nkuko bivugwa n'ikinyamakru caho vyabereye, umuryango w'uwo mugabo yatwawe uvuga ko ata muntu wotako umwikomo.
Igipolisi kivuga ko ikiziga c'uwo mugabo yapfuye ashikanye imyaka 20 kiri mu buruhukiro, ko barindiriye ngo gipimwe hamenyekane icamwishe imbere yuko gishikirizwa umuryango wiwe.
