Abimukira batabawe banse kuva mu bwato bwabatwaye muri Libiya

Inyandiko gusa
Ubwo bwato bw'imizigo bwatuye ku kivuko ca Misrata

Ahavuye isanamu, MSF Sea

Insiguro y'isanamu, Ubwo bwato bw'imizigo bumaze iminsi umunani butuye ku kivuko co muri Libiya

Abimukira mirongo barokowe n'ubwato bw'imizigo mu kiyaga ca Méditerranée, banse kwururuka ubwato bashikanywe ku kivuko co muri Libiya.

Bamwe muribo babwiye abamenyeshamakuru ko bopfuma bapfa hakwururutswa ku gahato muri Libiya, aho bavuga ko bari bagizwe imbohe bongera barahohotegwa n'abakora magendo y'abantu.

Ubwo bwato bwabazanye i Misrata itariki 10 Ukwezi kwa cumi na rimwe, bubakuye mu bwato buto barimwo ku nkengera yo mu burengero bwa Libiya.

Bavuga ko baturuka mu karere ka Afrika ko munsi ya Sahara no muri Aziya yo mu bumanuko.

Abantu 14 barimwo abana ata muntu akuze bari kumwe hamwe n'umugore w'uruyoya baravuye muri ubwo bwato ku munsi wa gatatu, baja gufungigwa mu bibanza vyategekanijwe muri Libiya, ariko nkuko ikinyamakuru co mu gihugu ca Qatar al-Jazeera cabimenyesheje ngo hari hagisigaye abimukira 77 muri ubwo bwato ku munsi w'Imana.

Tambuka X ubutumwa, 1
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa, 1

Ishirahamwe ry'abaganga batagira imbibe "Médecins Sans Frontières" (MSF) ririko rivura abahiye "ryibonera ukwihebura" kuri muri abo bantu bakiri mu bwato.

Tambuka X ubutumwa, 2
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa, 2

Abo bimukira barokowe n'ubwato bufise amamuko yo muri Panama, Nivin, itariki 8 Ukwezi kwa cumi na rimwe.

Ku bw'itangazo rya ONU ryasubiwemwo n'itororokanirizo ry'amakuru AFP, abo bimukira baturuka muri Etiyopiya, Eritreya, Sudani Yepfo, Pakistani, Bangladesh na Somalia.

Skip Ibisomwa cane and continue reading
Ibisomwa cane

End of Ibisomwa cane

"Wokwipfuza gute ngo mve muri buno bwato munyuma ngo ngume muri Libiya?", niko umwimukira w'umunya Sudani Biktor w'imyaka 17 yabwiye Reuters mu ntango y'indwi iheze.

"Twumvikanye kuja ahariho hose kiretse muri Libiya."

Umukozi wa MSF avura umwana yari mu barashwe

Ahavuye isanamu, MSF

Insiguro y'isanamu, Mu kwezi kwa gatanu mu 2018 abagira magendo y'abantu barashe abimukira 100 muri Libiya

Biktor avuga ko uwo bavukana hamwe na mugenziwe bose bapfiriye mu minwe y'abagira urudandazwa rwo kujabukana abantu ahitwa Bani Walid, mu bumanuko bwa Tripoli.

Abandi bimukira babwiye al-Jazeera ko bagira ngo batwawe i Malta igihe buriye ubwo bwato bw'imizigo.

"Bose bariko bavuga ko tudashobora kuja hanze dupfume dupfira hano," niko Kai w'imyaka 18, aturuka muri Sudani Yepfo avuga.

Ikigo giharanira agateka ka zina muntu "Amnistie Internationale" cavuze ku munsi wa gatanu, ko abo bantu barokowe bidakwiye ko "bururutswa ubwato ku nguvu ngo bajanwe mu busho bwategekanijwe muri Libiya aho bashobora guhohotegwa no gukoregwa ayandi mabi".

"Mu mategeko mpuzamakungu, nta muntu akwiye kujanwa mu kibanza ubuzima bwiwe bwohava bubangamigwa," niko Amnistie yabandanije ivuga.

Igihugu ca Libiya gikunze gucamwo abimukira aho abakora magendo y'abantu bajabukana abo bimukira babatwara i Buraya.