Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Trump yisubiyeko ku ngingo yo gutandukanya abavyeyi n'abana b'abimukira
Prezida Donald Trump wa Amerika yahagaritse itegeko riraba abimukira ryategeka gutandukanya abavyeyi n'abana b'abimukira binjiye muri ico gihugu badakurikije amategeko.
N'aho yasokoye kuri iryo tegeko kubera abantu benshi baryiyamirije, Trump yavuze ko azobandanya gucungera imbibe z'igihugu.
Prezida Trump kuva aja ku butegetsi yerekanye ko ashaka gushiraho amategeko akaze yo kugwanya abimukira, yisanze mu ngorane na cane cane aho habonekeye amafoto ateye ikigongwe y'abana batandukanijwe n'abavyeyi babo ku rubibe rwa Amerika na Mexique, aho zababaje abanyamerika benshi.
Inama nshingamateka, abaharanira agateka ka zina muntu eka mbere n'umupfasoni Melania Trump umupfasoni wiwe, hamwe n'abapfasoni b'abigeze gutwara ico gihugu vyarabababaje.
Ariko haracari amakenga nimba iryo tegeko rya Trump rizoshobora gutuma imiryango ishobora kuba hamwe inyuma y'imisi 20, kandi vyitezwe ko inama nshingamateka kuri uyu wa kane itora amabwirizwa abiri akura akura amakenga kuri iyo ngingo yo gucinyiza iyo miryango hamwe n'izindi ngingo zerekeye abimukira.
Ariko kandi iryo tegeko rya Trump ntiryerekana umwanya rizoshirwa mu bikorwa n'ingene abana barenga 2000 bamaze gutandukana n'abavyeyi babo bazosubira kubahuza.
