Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Haracyari ubwoba mu nkambi ya Kiziba icumbikiye Abanyekongo
Icyoba gikomeje kuba cyose mu nkambi ya Kiziba mu burengerazuba bw'u Rwanda, icumbikiye impunzi zavuye muri Republika Iharanira Demokrasi ya Kongo.
Impunzi ziravuga ko kugicamunsi amatsinda y'abapolisi yongeye kwinjira mu nkambi bigakurura uruhagarara mu mpunzi.
Impunzi zitewe impungenge n'uko igipolisi cyafata bamwe mu bazikuriye, leta y'u Rwanda ikavugako zimwe muri izi mpunzi zidashaka gukurikiza amategeko y'igihugu.
Ari leta cyangwa se polisi y'u Rwanda ntawari watangaza aho bahagaze kuri iki kibazo.
Hagati aho urubanza rwa bamwe muri izi mpunzi rwagombaga kubera mu mujyi wa Muhanga rwasubitswe.
Abantu 22 nibo bari bitabye urukiko, bakaba ari bamwe mu bakurikiranyweho kugira uruhare mu myigaragambyo y'izi mpunzi yabaye mu mezi 2 ashize ubwo bavaga mu nkambi bakerekeza ku nyubako za HCR mu mujyi wa Karongi.
Icyo gihe 11 bahasize ubuzima, urukiko rukaba ruvuga ko hacyegeranywa ibimenyetso bibashinja kandi ko bamwe batari bafite umunyamategeko ubunganira.
