Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Prezida Mnangagwa wa Zimbabwe yiyemeje gutwarira bose
Prezida mushasha wa Zimbabwe ahejeje kurahira yashimagije uwo asubiriye Robert Mugabe ananiyemeza gushumbusha abazungu batswe amatongo
Mw'ijambo yashikirije ku kibuga cuzuyemwo abantu cas Harare, yavuze ko Mugabe ari we yamwigishije politike kandi ko bakoranye neza mu gisirikare.
Avuga kuri politike yateye impari nyinshi ya Mugabe yo kwaka amatongo abazungu, Mnangagwa yavuze adashobora kuyiharira canke kuyisubiramwo.
Yateye akamo abahawe ayo matongo kuyarima kugira bagaburire igihugu gishonje, anemera gushumbusha abayahoramwo.
Mu ndwi iheze igisirikare carahagaritse prezida Mugabe mu mabanga yiwe mu gushigikira Emmerson Mnangagwa yari ahejeje kwirukanwa mu kibanza c'icegera c'umukuru w'igihugu, mu ntumbero yo gucira inzira umugore wiwe Grace Mugabe, kumusubirira ku butegetsi.
