Ubwigenge bwa Katalunya: Puigdemont 'ntazemera' umugambi wa Rajoy

Minisitiri w'ububanyi n'amahanga muri Esipanye yahakanye ibirego bya Katalunya ko guverinoma ye yahiritse ubutegetsi muri aka gace kubere kukambura ubugenzizi bwako.

Alfonso Dastis yabwiye BBC ko niba hari umuntu waba warakoze iryo hirika ry'ubutegetsi, yaba ari abashyigikjiye ubwigenge muri guverinoma y'akarere ka Katalunya.

Bwana Dastis yavuze ko guverinoma ya Esipanye nta mutegetsi iri bute muri yombi ariko ko yiteze ko abaturage bari bwange kubahiriza amabwiriza y'abayobozi barimo n'umukuru wa polisi mu karere nibamara kuvanwa ku myanya yabo.

Yavuze ko polisi y'ako karere iri bushobore gukora neza nimara gushyirwa mu bugenzuzi bwa guverinoma nkuru i Madrid.

Ku wa Gatandatu, minisitiri w'intebe Mariano Rajoy yatangaje ibyemezo byo kwirukana abagize guverinoma y'akarere ndetse no kugabanya imbaraga z'inteko ishinga amategeko y'akarere ka Katalunya.

Byitezwe ko Sena ya Esipanye izemeza ibi byemezo bya guverinoma ku wa Gatanu ndetse hahite haba n'amatora mashya.