Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Urubanza rwa ba Rwigara uyu munsi rwongeye gusubikwa
Urukiko rwisumbuye rwa Nyarugenge rwongeye gusubika urubanza rwa Diane Rwigara n'abo mu muryango we babiri; nyina na murumuna we umwe.
Uyu munsi abaregwa bitabye urukiko bari kumwe n'ubunganira mu mategeko, Me Buhuru P. Celestin.
Gusa mbere y'uko ubushinjacyaha buvuga icyo bubarega, ubunganira yavuze ko batiteguye kwisobanura kuko batahawe inyandiko zikubihemo ibirego ndetse n'ibimenyetso byashingiweho baregwa.
Me Buhuru yavuze amajwi, ubutumwa bwa Whatsapp ndetse n'izindi nyandiko atarashyikirizwa kandi ubushinjacyaha buzifata nk'ibimenyetso.
Yasabye urukiko gutegeka ko bahabwa ibi bimenyetso kugira ngo babihereho bategura uko biregura.
Ubushinjacyaba bwo bwavuze ko bimwe mu bimenyetso byashyizwe ku rubuga rw'ikoranabuhanga bukoreshwa mu nkiko kandi ko n'uruhande ruregwa rushobora kubibona.
Cyakora yanatangaje ko hari bimwe mu bimenyetso bidashobora gushyirwa hanze ngo kuko bikiri ibanga.
Uwunganira abaregwa yanenze bikomeye iyi mvugo y'ubushinjacyaha busa n'ubutizera uruhande rwunganira abaregwa kandi nta mabanga rugomba guhishwa.
"Kubangamira umutekano w'igihugu"
Diane Rwigara, murumuna we Anne Rwigara n'umubyeyi wabo Adeline Rwigara, bakurikiranyweho ibyaha byo kubangamira umutekano w'igihugu ,Diane we ukongeraho icyo gukoresha inyandiko mpimbano.
Ku ikubitiro ubushinjacyaha bwavugaga ko bunabakurikiranyeho icyaha cyo kunyereza imisoro ariko amakuru amaze iminsi mu binyamaku byegereye Leta akavuga ko iki cyaha cyakuwe ku rutonde rw'ibyo baregwa.
Diane Rwigara yamenyekanye cyane mu mpera z'umwaka ushize ubwo yatangazaga ko afite umugambi wo kwiyamamaza mu matora y'umukuru w'igihugu.
Gusa icyifuzo cye cyaje kuburizwamo na Komisiyo y'amatora ivuze ko atabonye ibyangombwa bisabwa kandi ko bimwe mu byo yatanze ari ibihimbano.
Ubushinjacyaha buvuga ko bufite ibimenyetso bigaragaza ko aba batatu bari babangamiye umkutekano w'igihugu uretse ko abantu batari bake bavuga ko ibi birego bishobora kuba bifitanye isano n'umugambi wa Diane Rwigara, wo kwiyamamariza kuyobora igihugu.
