Ibitego byiza 10 bitorwamo igitego cyiza cyane cya 2019 byatangajwe

FIFA yatangaje ibitego 10 byiza byinjijwe mu mwaka ushize w'imikino kugira ngo hatorwemo icyiza kurusha ibindi, uwagitsinze ahabwa igihembo kitwa FIFA Puskás Award.

Umwaka ushize iki gihembo cyahawe umukinyi Mohamed Salah ku gitego yatsinze tariki 10/12/2017 Liverpool ikina na Everton muri shampiyona y'Ubwongereza.

Icyo igitego cyarushije amajwi ibitego by'abandi nk'icyahabwaga amahirwe cya Christiano Ronaldo yatsinze yikaraze mu kirere ubwo Real Madrid yakinaga na Juventus muri UEFA Champions Ligue ishize.

Uyu mwaka mu bitego 10 byiza byatoranyijwe harimo bitatu byatsinzwe mu mupira w'amaguru mu bagore.

Birimo igitego cy'ubuhanga cya Ajara Nchout umunyakamaruni wacenze myugariro wa Argentine maze agatsinda igitego kiza.

Harimo kandi igitego gitangaje cya Billie Simpson umugore wateye adahagaritse - kandi ari mu rubuga rw'ikipe ye - umupira wari utewe n'umunyezamu w'indi kipe maze iryo shoti rikavamo igitego.

Ibitego 10 byatangajwe na FIFA ko aribyo byiza kurusha ibindi mu mwaka w'imikino ushize byatsinzwe na;

  • Matheus Cunha (BRA) - Bayer Leverkusen v RB Leipzig [Bundesliga] (6/04/2019)
  • Zlatan Ibrahimović (SWE) - Toronto FC v LA Galaxy [MLS] (15/09/2018)
  • Lionel Messi (ARG) - Real Betis v FC Barcelona [La Liga] (17/03/2019)
  • Ajara Nchout (CMR) - Cameroon v New Zealand [Igikombe cy'isi cy'abagore] (20/06/2019)
  • Fabio Quagliarella (ITA) - Sampdoria v Napoli [Serie A] (2/09/2018)
  • Juan Fernando Quintero (COL) - River Plate v Racing Club [Argentinian Superliga] (10/02/2019)
  • Amy Rodriguez (USA) - Utah Royals v Sky Blue FC [Shampiyona y'abagore muri Amerika] (16/06/2019)
  • Billie Simpson (NIR) - Sion Swifts Ladies FC v Cliftonville Ladies FC [Shampiyona y'abagore muri Ireland] (9/08/2018)
  • Andros Townsend (ENG) - Manchester City v Crystal Palace [Premier League] (22/12/2018)
  • Dániel Zsóri (ROU) - Debrecen FC v Ferencváros TC [Shampiyona yo muri Hongira I] (16/02/2019)

Abakurikira umupira w'amaguru batangiye gutora ku rubuga rwa FIFA igitego babona kiruta ibindi muri ibi, gutora bizarangira tariki 01 z'ukwezi gutaha kwa cyenda.

Skip Ibisomwa cane and continue reading
Ibisomwa cane

End of Ibisomwa cane

Nyuma yo gutora kw'abakunzi b'umupira, ibitego bitatu bya mbere batoranyje bihabwa abakomeye bakinnye umupira batoranyijwe na FIFA, aba bakaba ari bo bemeza igitego gihabwa Puskás Award.