Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Itsinda ry’intare 14 zatorotse pariki muri Afurika y’Epfo
Intare 14 ziri gushakishwa hafi y'umujyi wa Phalaborwa mu majyaruguru ya Africa y'Epfo. Birakekwa ko zatorotse zikava muri pariki y'igihugu ya Kruger - imwe muri nini cyane muri Afurika.
Umunyamakuru wa BBC i Johannesburg avuga ko bikekwa ko iri ari ryo tsinda ry'intare nyinshi ribashije gutoroka pariki ya Kruger mu bihe bya vuba.
Izi ntare abantu bazibonye hafi y'ibirombe bya Foksor hanze gato ya pariki.
Abaturage bo mu mujyi w'ubucukuzi bw'amabuye y'agaciro wa Phalaborwa baburiwe bikomeye ngo babe maso kugeza izi nyamaswa z'inkazi zifashwe zigasubizwa mu cyanya cyazo.
Abashinzwe inyamaswa muri iyi pariki bari kuzikurikirana kugira ngo barengere ubuzima bw'abaturage.
Mu myaka ibiri ishize, intare eshanu zatorotse iyi pariki gusa ziza gufatwa zisubizwayo ntacyo zangije.
Ubusanzwe iyi pariki irazitiye, abategetsi bavuga ko bitaramenyekana neza uko izi ntare zose zabashije kumena zigasohoka.
