Rwanda, urubanza rw'impunzi rwasubitswe ku mvo ry'ikoranabuhanga

Urubanza ry'impunzi 8 zo mu nkambi ya Kiziba rwasubitswe. Bimwe mu byo bakurikiranyweho bishingiye ku guteza imidugararo.

Uru rubanza rwari rwitezwe uno munsi, ku rukiko rwisumbuye rwa Karongi hagaragaraga umwunganizi w abaregwa gusa.

Ubwanditsi bw'urukiko bwasobanuriye BBC ko umwe muri abo umunani witwa AYIKORA Roger, gereza afungiyemo ya Muhanga itashoboye ku mugeza ku rukiko.

Uyu yari ashinzwe umutekano muri komite yari iyoboye inkambi akabawe aburana ubujurire kwifunga n'ifungurwa.

Abandi 7, barimo 4 bari abayobozi b'inkambi ya Kiziba nabo ntibyashobotse kobaburana.

Impamvu ni uko ikoranabuhanga ry'urukiko ribahuza n'abandi barebwa n'urubanza ritashoboye gukora.

Bityo izo manza zombi zimurirwa kuwa kabiri utaha, taliki ya 12 z'ukwa gatandatu.

Aba barindwi bafashwe mu kwezi gushize bo bagombaga gutangira kuburana kwifungwa n'ifungurwa.

Abafunzwe bose 60 bari mu matsinda 5 bitewe n'igihe bagiye bafatirwa.

Benshi baburanira mu mujyi wa Muhanga.

Bamwe baranahawe igifungo cy'iminsi 30 igenda yongezwa mu gihe iperereza ku byaha bakurikiranyweho rigikomeza.

Bimwe mu byaha bakurikiranyweho bishingiye ku guteza imidugararo no kutubaha amategeko y'igihugu kibacumbikiye.

Bo barabihakana bakavuga ko bafashwe kuko batumvukana na leta y'u Rwanda kugushaka gusubira iwabo.

Intandaro yifatwa ryabo n'imyagaragambyo yakozwe mu kwezi kwa kabiri uyu mwaka.

Impunzi zinubira igabanuka ry'imfashanyo zahabwaga bityo zitangira gusaba gusubizwa mu gihugu cyazo.