Eisteddfod 2026: Cyhoeddi artistiaid Maes B

Mae Eden, Bwncath, Pys Melyn a Breichiau Hir ymysg rhai o brif artistiaid Maes B eleni.

Yn dilyn datblygiadau newydd ym Maes B Wrecsam 2025, mae'r trefnwyr yn dweud y bydd mwy o gyhoeddiadau i ddod dros yr wythnosau nesaf, "gan gynnwys llwyfannau a phrofiadau newydd".

Yn ogystal ag enwau cyfarwydd fel Candelas, sy'n paratoi i ryddhau albwm newydd, ac Eden, fydd yn gwneud un o'u hunig berfformiadau eleni ym Maes B, bydd yr ŵyl hefyd yn croesawu nifer o artistiaid sy'n ymddangos yno am y tro cyntaf.

Yn eu plith mae Lafant, Martha Elen, Betsan, Yr Hunanol a Tokomololo.

Bydd Maes B yn digwydd rhwng 5–8 Awst fel rhan o'r Eisteddfod Genedlaethol ar gyrion Aberteifi.

Mae'r trefnwyr yn dweud bod gwerthiant cynnar tocynnau wedi bod yn dda, a bod rhagor o wybodaeth ar wefan Maes B.

Bydd manylion pellach am gigs unigol yn cael eu cyhoeddi ar gyfryngau cymdeithasol yr ŵyl dros yr wythnosau nesaf.

Y rhestr llawn o artistiaid sydd wedi eu cyhoeddi yw:

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.