Dwy ysgol yng Nghaerdydd ar gau wedi adroddiad i'r heddlu
Mae Ysgol Uwchradd y Dwyrain yn Trowbridge yn un o ddwy ysgol sydd wedi cau ddydd Llun
- Cyhoeddwyd
Mae dwy ysgol uwchradd yng Nghaerdydd ar gau ddydd Llun "fel mesur diogelwch rhagofal" yn dilyn adroddiad i'r heddlu nos Sul.
Dywed Heddlu De Cymru bod y penderfyniad i gau Ysgol Uwchradd Llanisien ac Ysgol Uwchradd y Dwyrain, yn Trowbridge, yn dilyn trafodaethau rhwng y llu a Chyngor Caerdydd.
Roedd hynny "er mwyn osgoi risg, yn dilyn adroddiad i'r heddlu nos Sul," dywedodd yr Arolygydd Mark Kavanagh.
"Mae'r adroddiad hwnnw dan ymchwiliad ar hyn o bryd."
Ychwanegodd: "Nid ar chwarae bach y gwnaethpwyd y penderfyniad yma, ond gyda diogelwch disgyblion, staff a chymunedau ehangach yr ysgolion mewn golwg."
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
