BBC Cymru - Plentyndod yng Nghymru

Themâu

Yn ystod mis Mawrth 2009, fe roddodd BBC Cymru sylw arbennig i natur plentyndod yng Nghymru heddiw gyda nifer o raglenni radio a theledu yn ogystal â chynnwys arlein. Roedd y tymor yn cydfynd â hanner can mlwyddiant datganiad y Cenhedloedd Unedig ar hawliau'r plentyn a'r nod oedd ysgogi sgwrs genedlaethol ar draws ein gwasanaethau. Dyma flas o'r pynciau gafodd eu gwyntyllu yn ystod y cyfnod:

Chwarae
Ydy'n plant heddiw yn cael digon o gyfleoedd i chwarae - neu ydyn ni'n poeni gormod am y peryglon allai eu hwynebu?
Teulu
Mae strwythur traddodiadol y teulu yn newid gyda mwy o rieni sengl, mwy o lys-deuluoedd a mwy o famau'n gweithio. Ydy plant felly yn dal i gael y gefnogaeth maen nhw ei hangen yn y cartref?
Agweddau
Mae plant yn eu harddegau yn fwy tebygol o wirfoddoli nag unrhyw ran arall o'r boblogaeth ond oes 'na dueddiad ar ran cymdeithas a'r cyfryngau i bardduo ieuenctid heddiw?
Gwerthoedd a gosod ffiniau
Gan eu teuluoedd, eu hathrawon a'u ffrindiau y mae'r rhan fwyaf o blant yn dysgu am werthoedd ond yn oes y 'seleb', ydy plant yn edrych i gyfeiriadau gwahanol?
Lles
Mae magu plant iach a bodlon eu byd yn nod i bob rhiant ond a oes rhagor y gallem ei wneud i ofalu am eu lles corfforol a meddyliol?
Tlodi
Mae safonau byw yn gyffredinol wedi codi ond mae un ymhob pedwar plentyn yng Nghymru yn dal i fyw mewn tlodi felly beth mwy y gellid ei wneud i gau'r bwlch?