Does gynnoch chi ddim byd i gochi amdano; mae'r staff meddygol wedi gweld hyn dro ar ôl tro! Mae pobl yn ei ffeindio'n anodd i siarad am eu hiechyd rhywiol, ond mae'n beth synhwyrol i feddwl am ryw diogel, ac i fynychu'r clinig Meddygaeth Genhedlol Droethol (MGD - neu GUM yn Saesneg) neu'r meddyg am brawf blynyddol.

Mae cymryd gofal yn golygu defnyddio condom bob tro dych chi'n cael rhyw. Maen nhw'n cynnig y gofal gorau rhag heintiau cysylltiad rhywiol. Mewn un arbrawf, roeddyn nhw'n gyfrifol am stopio lledu HIV ymhlith 123 o gyplau lle roedd gan un o'r partneriaid yr haint hwnnw.

Beth ydy rhyw diogel?

• Defnyddiwch gondom bob un tro gyda phartneriaid rhywiol newydd
• Gwnewch yn siwr eich bod chi'n gwybod sut i ddadlau o blaid gwisgo condom - efallai bydd angen awgrmiadau arnoch chi ar 'gyd-drafod gwisgo condom (am fwy o wybodaeth, ewch i safle The Young Peoples' Sexual Health Website - manylion ar y dalen Cysylltiadau)
• Meddyliwch am iechyd, cysur a phleser eich partner
• Byddwch yn agored gyda'ch gilydd am unrhyw heintiau cysylltiad rhywiol dych chi wedi'u cael yn y gorffennol - neu sy gynnoch chi nawr
• Does neb am wisgo condom gyda'r un partner am oes - ond gwnewch yn siwr mae'r ddau ohonoch chi'n cael eich sgrinio cyn stopio!
• Os ych chi neu eich partner yn dal rhywbeth, ewch yn syth at y clinig MGD neu'r meddyg am brofion a thriniaeth
• Ffeindiwch allan os oes angen triniaeth ar eich partner
• Os oes haint gynnoch chi, gorffennwch unrhyw foddion sy'n cael ei rhoi i chi
• Rheolwch y sefyllfa (a gwisgwch gondom - ych chi'n gallu gweld y neges eto?)
• Mae'n cymryd ond un camgymeriad i ddal rhywbeth cas!
• Cofiwch nad oes angen i chi fynd yr holl ffordd i ddal rhywbeth
• Gwnewch yn siwr eich bod chi'n gwisgo condom bob tro - bydd hyn yn cael gwared o'r ofn, a chewch chi lot fwy o hwyl o'r herwydd

Os ych chi neu'ch partner yn ffeindio bod gynnoch chi rai o'r symptomau hyn, ewch at y clinig neu'r meddyg ar unwaith! Os arhoswch chi'n rhy hir, fe all fod yn rhy hwyr.

Cofiwch, mae unrhyw brofion a thriniaeth ar gyfer heintiau cysylltiad rhywiol yn hollol gyfrinachol - ond drwy ofalu drosoch chi eich hun, fydd ddim angen i bethau mynd cyn belled â hyn!

Gwisgwch gondom BOB TRO!