တရုတ် ရဲ့ နှစ်ပေါင်း ၄ဝ တံခါးဖွင့်ဝါဒ တိုးတက် ပြောင်းလဲမှုများ

တရုတ် နိုင်ငံဟာ တံခါးဖွင့် စီးပွားရေး စနစ် ကို ကျင့်သုံးတာ နှစ်ပေါင်း ၄၀ တိုင် ခဲ့ပြီ ဖြစ်ပါတယ်။

ဒီ ကာလ အတွင်း မှာ လူသန်းပေါင်း ၇ဝဝ ကျော် ကို ဆင်းရဲတွင်း က ဆွဲတင် နိုင်ခဲ့သလို တနှစ်မှာ ပြည်တွင်းထုတ်လုပ်မှုတန်ဖိုး ဒေါ်လာ ၁၅ဝ ဘီလီယံ သာ ရှိခဲ့ရာက အခုတော့ ဒေါ်လာ ထရီလျံ ရာ နဲ့ ချီပြီး တိုင်းပြည် ဝင်ငွေ တိုးတက်ခဲ့တာ ကို တွေ့ရ ပါတယ်။

လူထုခေါင်းဆောင် မော်စီတုန်း ရဲ့ အရင်းရှင် စနစ် ဆန့်ကျင်ရေး မော် ဝါဒ ကို ၁၉၇၈ ခုနှစ်မှာ ပြောင်းလဲ ပြီး ဈေးကွက် စီးပွားရေး စနစ် ကို စတင် အကောင်အထည် ဖော် ခဲ့တာ ဖြစ်ပါတယ်။

ယနေ့ နှစ် ၄ဝ တိုင်တဲ့ အခါမှာတော့ တရုတ် နိုင်ငံ ရဲ့ တိုးတက် ပြောင်းလဲ မှု ဖြစ်စဉ်ကြောင့် ကမ္ဘာ့ စီးပွားရေး မှာ ထိပ်တန်း နိုင်ငံကြီး တနိုင်ငံ အဖြစ် ရပ်တည် နိုင်ခဲ့ပါတယ်။

နိုင်ငံ့ မူဝါဒ ပြောင်းလဲမှုကြောင့် အာရှ နဂါးကြီး ရဲ့ မကြုံစဖူး ထူးထူးကဲကဲ တိုးတက် ပြောင်းလဲ သွားတဲ့ ဖြစ်စဉ် တွေကို အောက်ဖော်ပြပါ ဇယား (၈) ခု နဲ့ နှိုင်းယှဉ်ကြည့် နိုင်ပါတယ်။

၁။ ၁၉၇၈ - ၂၀၁၈ ခုနှစ် တရုတ် ပြည်တွင်း ထုတ်ကုန် တန်ဖိုး က ဒေါ်လာ ၁၅၀ ဘီလီယံ ရှိရာ ကနေ ၁၂၂ ထရီလီယံ အထိ တိုးတက်

၂။စက်ဘီး နေရာကို မော်တော်ကား တွေက အစားထိုး နေရာယူ

၃။ ကာဗွန်ဒိုင် အောက်ဆိုဒ် ထုတ်လွှင့် မှုကလည်း မြင့်မားလာ

၄။ နှစ်ပေါင်း ၄ဝ အတွင်း လျှပ်စစ်စွမ်းအား အသုံးအများဆုံး နိုင်ငံ ဖြစ်လာ

၅။ လူသန်းပေါင်း ၇ဝဝ ကျော် ကို ဆင်းရဲတွင်းမှ လွတ်မြောက် စေခဲ့

၆။ နိုင်ငံရပ်ခြားမှာ ပညာသင် ကျောင်းသား ဦးရေ အများဆုံး နိုင်ငံ

၇။ တရုတ် ရဲ့ သက်ကြီး ဦးရေ တိုးတက် များပြား

၈။ တရုတ် မိသားစုတွေဟာ အိမ်ပိုင်ဖို့ ရာနှုန်း အမေရိကန်ထက် ၂ ဆများ