ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
နယူးယောက် မြို့လယ် တိုင်းမ်စကွဲ ရင်ပြင် မှာ ကားနဲ့ လူအများကို ၀င်တိုက်
အမေရိကန် ပြည်ထောင်စု နယူးယောက်မြို့လယ်က တိုင်းမ်စကွဲ ရင်ပြင်မှာ ကားမောင်းသမား တယောက်က ကားနဲ့ ဘေးတလျှောက်ကလူတွေကို သိမ်းကျုံး ၀င်တိုက်ခဲ့တဲ့ အတွက် လူတယောက် သေဆုံးပြီး နှစ်ဆယ်ကျော် ဒဏ်ရာရသွားခဲ့ပါတယ်။
မျက်မြင်တွေ အပြောအရ အဲဒီလူဟာ ကားကို အရှိန်မြှင့်မောင်းပြီး လမ်းဘေး ပလက်ဖောင်းပေါ်တက်ကာ တဟုန်ထိုး ၀င်တိုက်ခဲ့တာ ဖြစ်တယ်လို့ ဆိုပါတယ်။
ဒီဖြစ်ရပ်ဟာ အကြမ်းဖက် တိုက်ခိုက်မှုနဲ့ ဆက်စပ်တယ်လို့ မယူဆကြောင်း ရဲက ပြောပြီး ထွက်ပြေးဖို့ ကြိုးစားတဲ့ ကားမောင်းသမားကို ဖမ်းဆီး ထားတယ်လို့ ဆိုပါတယ်။
ကားမောင်းသမားဟာ အသက် ၂၆ နှစ်ရှိ Richard Rojas ဆိုသူ ဖြစ်ပြီး အခုတော့ သူ့ကို အရက်နဲ့ မူးယစ်ဆေး သုံးစွဲထားခြင်း ရှိမရှိ ရဲက စစ်ဆေးနေပါတယ်။
