Dysgeidiaethau Cristnogol am yr amgylchedd
Mae'r rhan fwyaf o Gristnogion yn credu bod Duw wedi rhoi cyfrifoldeb arbennig i fodau dynol o fewn y creuY weithred o roi bodolaeth i rywbeth. Mewn crefydd, mae hyn yn cyfeirio at Dduw yn creu'r byd. i'w drin, ei warchod a'i ddefnyddio'n ddoeth. Stiwardiaeth yw hyn. Mae'n rhaid i ddynoliaeth weithio o fewn y creu a gofalu amdano:
Cymerodd yr Arglwydd Dduw y dyn a'i osod yng ngardd Eden, i'w thrin a'i chadw.
Mae popeth wedi'i roi i fodau dynol ar gyfer eu hanghenion, sy'n awgrymu y cân nhw ddefnyddio beth bynnag maen nhw ei eisiau o'r creu er mwyn goroesi:
Bydd popeth byw sy'n symud yn fwyd i chwi; fel y rhoddais eisoes lysiau gleision i chwi, rhoddaf i chwi bopeth.
Fodd bynnag, gan fod y Ddaear yn eiddo i Dduw, rhaid i fodau dynol ei pharchu a'i rhoi'n ôl i Dduw heb ei difetha:
Eiddo'r Arglwydd yw'r ddaear a'i llawnder, y byd a'r rhai sy'n byw ynddo.
Mae'r darnau hyn o'r BeiblLlyfr sanctaidd y Cristnogion wedi'i rannu'n ddwy adran: yr Hen Destament a'r Testament Newydd. yn dangos mai'r brif neges yw mai Duw yw'r un sy'n darparu ar gyfer bodau dynol ac y dylai bodau dynol ddangos eu bod nhw'n ddiolchgar drwy ofalu am y pethau mae Duw wedi eu rhoi iddyn nhw.
Mae'r Datganiad Cristnogol ar Natur a gafodd ei lunio yn AssisiTref yn yr Eidal lle cynhaliwyd cyfarfod o brif grefyddau'r byd yn 1986, pan gafodd datganiad ar yr amgylchedd ei lunio. yn 1986 yn gwneud y pwyntiau canlynol yn glir iawn:
- Mae gan yr holl greu, gyda bodau dynol a hebddynt, cyd-ddibyniaethPan mae dau neu fwy o bethau yn dibynnu ar ei gilydd. agos sydd wedi'i gwneud felly gan Dduw. Gogoniant Duw sy'n gyfrifol am cytgordPobl yn byw ac yn gweithio'n dda gyda'i gilydd mewn heddwch. y creu.
- Swyddogaeth bodau dynol yw gwarchod popeth sydd wedi'i greu, nid eu cam-drin na'u dinistrio.
- Gwrthodir pob math o ecsbloetioCymryd mantais annheg ar rywun neu rywbeth er eich budd eich hun yn unig, ac nid er budd y person arall neu'r peth.'r byd a'i adnoddau ac unrhyw greaduriaid. Rhaid i fodau dynol beidio â gwneud dim byd sy'n peri risg o ddifrod i'r byd, gan gynnwys rhyfela niwclear.
