Gweithio gyda chynulleidfa hŷn
Os wyt ti'n perfformio o flaen cynulleidfa hŷn, gallet ti gyflwyno darn am yr Ail Ryfel Byd. Gallai'r thema hon hefyd weithio gyda grŵp o fyfyrwyr Blwyddyn 10 sy'n astudio'r cyfnod ar gyfer eu gwaith Hanes, ac am gael cynnwys a fyddai'n eu helpu gyda'u hastudiaethau. Byddai’n bwysig felly ymchwilio i gefndir hanesyddol y cyflwyniad fel ei fod yn gywir ac yn ysgogiad i wneud gwaith pellach ar y pwnc. Gallai'r nodiadau yn yr adnoddau eu cyfeirio at safle gwe megis safle Hanes y BBC i wneud gwaith ymchwil.
Gallai’r cynhyrchiad fod wedi ei anelu at grŵp o bobl hŷn a fu'n byw drwy'r rhyfel. Byddai rhywbeth o ddiddordeb lleol yn gweithio'n dda gan y gallai'r ddrama wahodd y gynulleidfa i ailymweld â'u gorffennol. Pe baet ti yn Abertawe, er enghraifft, gallet ti ymchwilio a chyflwyno darn am fomiau'r Ymgyrch fomio awyrlu yr Almaen yn erbyn dinasoedd y DU yn ystod yr Ail Ryfel Byd. yn y ddinas ym 1941. Cofia y gallai fod wedi bod yn boenus iawn i unigolion penodol felly gallet ti ganolbwyntio ar yr ysbryd cymunedol. Mae bod yn sensitif yn hanfodol wrth gynllunio unrhyw waith a allai ymdrin â phrofiadau personol aelodau o’r gynulleidfa.
Cofia fod mathau eraill o ddrama a theatr sy'n defnyddio egwyddorion Theatr Mewn Addysg hefyd, ee Theatr Gymunedol, Theatr Carchardai a Therapi Drama.
