Prif elfennau Theatr Mewn Addysg
Mae'n bwysig i ti gofio'r nodweddion canlynol sy'n perthyn i Theatr Mewn Addysg:
- nod ac amcan addysgol clir drwyddi draw
- cast bach felly rhaid i actorion fod yn hyblyg ac yn aml rhaid iddyn nhw chwarae rhannau niferus
- cyllideb fach felly yn aml bydd actorion yn chwarae offerynnau hefyd
- cynllun syml a chynrychioliadol er mwyn gallu cludo'r cynhyrchiad o le i le
- trafod pynciau o wahanol safbwyntiau, er mwyn i ni allu gweld effaith gweithred ar amrywiaeth o bobl
- rhywfaint o gyfranogiad gan y gynulleidfa
- anaml y bydd y cynhyrchiad yn gwbl naturiolaidd oherwydd y defnydd o siarad uniongyrchol neu adrodd stori i ennyn diddordeb y gynulleidfa
- gwisgoedd syml a chynrychioliadol, yn enwedig os oes angen i'r actorion chwarae nifer o rannau
- gall gynnwys ffeithiau a ffigurau i addysgu’r gynulleidfa
- gall fod â neges gref neu foeswers yn rhedeg drwyddi
Actores yn chwarae rhan Gretel yn Grimm Tales, Theatr Iolo LLUN: Theatr Iolo
