Cò tha a' gabhail pàirt ann am poilitigs anns an RA?
A' gabhail pàirt ann am poilitigs na RA
Tha uallach ann gu bheil an àireamh le ùidh ann am poilitigs, agus a' gabhail pàirt, air a bhith a' dol sìos. Ann an taghaidhean coitcheann na RA, tha àireamh an luchd-bhòtaidh air a bhith a' dol sìos thar nan 50 bliadhna mu dheireadh bho 78% ann an 1958 gu 59% ann an 2001. Bha e beagan na b' fheàrr ge-tà aig an taghadh choitcheann mu dheireadh ann an 2019 le 67% dhen luchd-bhòtaidh a' bhòtadh.
A' gabhail pàirt ann am poilitigs na h-Alba
Tha an aon phàtran anns a' cheudad de dhaoine a tha a' bhòtadh ann an taghaidhean Pàrlamaid na h-Alba.
| Bliadhna taghaidh | Àireamh a bhòt |
| 1999 | 59.1% |
| 2003 | 49.4% |
| 2007 | 52.4% |
| 2011 | 50.4% |
| 2016 | 55.6% |
| 2021 | 63% |
| Bliadhna taghaidh | 1999 |
|---|---|
| Àireamh a bhòt | 59.1% |
| Bliadhna taghaidh | 2003 |
|---|---|
| Àireamh a bhòt | 49.4% |
| Bliadhna taghaidh | 2007 |
|---|---|
| Àireamh a bhòt | 52.4% |
| Bliadhna taghaidh | 2011 |
|---|---|
| Àireamh a bhòt | 50.4% |
| Bliadhna taghaidh | 2016 |
|---|---|
| Àireamh a bhòt | 55.6% |
| Bliadhna taghaidh | 2021 |
|---|---|
| Àireamh a bhòt | 63% |
Dè a' bhuaidh a bha aig na referenda o chionn ghoirid?
Bhòt barrachd anns an dà referendum o chionn ghoirid – air neo-eisimeileachd na h-Alba agus an uair sin air An teirm airson Breatainn bhòtadh airson an t-AE fhàgail. – agus thathar dhen bheachd gun do thog iad ùidh ann am poilitigs agus gun do ghabh barrachd pàirt.
Referendum air neo-eisimeileachd na h-Alba 2014
Anns an Referendum air Neo-eisimeileachd ann an 2014, bhòt 84.6% – an àireamh bu mhotha riamh a chaidh a chlàradh san RA. Dh'fhaodadh gun robh seo air sgàth 's gum bi aon chuspair soilleir ann an referendum le gealladh air buil cinnteach, soilleir agus leis a h-uile bhòt a' cunntais.
Cleas àireamh nan daoine a tha a' bhòtadh, tha ballrachd ann am partaidhean poilitigeach, san fharsaingeachd air a dhol sìos bho na 1950an. Ann an 2017, bha 1.7% dhen mhòr-shluagh nam buill de aon dhe na prìomh phartaidhean poilitigeach.
Ach tha ballrachd phartaidhean ann an Alba rud beag eadar-dhealaichte. Bha mu 25,000 ball aig PNA ron referendum air neo-eisimeileachd. Chaidh sin suas an dèidh an referendum gu mu 125,000 ball. Ach tha am ballrachd air a dhol sìos. A rèir an National, pàipear-naidheachd a tha airson neo-eisimeileachd, bha àireamh na ballrachd aig 74,889 anns a' Ghiblean 2023.
