Cynnyrch canrannol
Ar gyfer màs penodol o adweithyddSylwedd sy'n adweithio â sylwedd arall i ffurfio cynhyrchion yn ystod adwaith cemegol., gallwn ni gyfrifo’r màs mwyaf o cynnyrchSylwedd sy’n cael ei ffurfio mewn adwaith cemegol. penodol y byddai’n bosibl ei ffurfio. Y màs hwn yw’r cynnyrch damcaniaethol. Y cynnyrch gwirioneddol yw màs y cynnyrch sy’n cael ei wneud wrth gynnal yr adwaith go iawn.
Cyfrifo cynnyrch canrannol
Rydyn ni’n defnyddio’r fformiwla hon i gyfrifo cynnyrch canrannol:
\(\text{Cynnyrch canrannol}~=~\frac{\text{màs gwirioneddol}}{\text{màs disgwyliedig}} \times 100\)
Er enghraifft, os yw’r cynnyrch a ragfynegir yn 20 g ond y cynnyrch gwirioneddol yn 15 g:
Cynnyrch canrannol = (15 ÷ 20) × 100 = 75%
Colli cynnyrch
Mae cynnyrch 100 y cant yn golygu nad oes dim cynnyrch wedi’i golli, ac mae cynnyrch 0 y cant yn golygu nad oes dim cynnyrch wedi’i wneud. Mae’r cynnyrch canrannol yn gallu bod yn llai na 100 y cant am lawer o resymau. Mae’r rhain yn cynnwys:
- colli wrth hidlo
- colli wrth anwedduY broses o droi o hylif i nwy neu anwedd.
- colli wrth drosglwyddo hylifau
- yr adweithyddion ddim i gyd yn adweithio i wneud y cynnyrch
Purdeb canrannol
Gallwn ni gyfrifo purdeb canrannol sylwedd drwy rannu màs y cemegyn pur â chyfanswm màs y sampl, ac yna lluosi’r rhif hwn â 100.
