Ceistean 5-8 le freagairtean
Question
5. Nuair a tha am boireannach a' nochdadh an toiseach, tha an t-ùghdar ag innse dhuinn gu bheil, deise dhubh aice air a gàirdean
.
Carson a chuir an t-ùghdar am fiosrachadh seo dhan sgeulachd?
Tha e coltach gu bheil MacLeòid a' cur ìomhaigheachd dhathan gu feum. Tha dubh tric a' riochdachadh bròn no bàs ann an litreachas, is tha na facail seo a' toirt fiosrachadh dhuinn a thaobh nam faireachdainnean a tha am boireannach a' riochdachadh. Tha beachd againn a-nis gu bheil bròn no call air choreigin co-cheangailte rithe.
Question
6. Anns an diog sin, bha gach rud a bha e air càrnadh na bhroinn, còmhdaichte, a' feuchainn ri faighinn chun an uachdair. Dh'fheuch e ri mhùchadh. Chuidich na bliadhnaichean, na seachdainean, na mionaidean de dh'obair. Chuir e air aghaidh phroifeiseanta.
Dè tha an earrann seo ag innse dhuinn mun dòigh san do dhèilig Daibhidh ri na faireachdainnean a dh'abhbharaich am boireannach dha?
Tha MacLeòid a' cleachdadh taghadh-facail is ìomhaigheachd gu sgileil san earrainn seo. Tha faclan mar càrnadh
agus mùchadh
ag innse dhuinn nach do làimhsich e na faireachdainnean seo ann an dòigh fhallain agus gu bheil iad fhathast na bhroinn. Dh'fheuch e ri aire a thoirt air falbh bhuapa le bhith ag obair gu cruaidh ach cha d' fhuair e cuidhteas iad. Tha e follaiseach gu bheil iad a' tighinn am bàrr a-rithist leis gu bheil iad a' feuchainn ri faighinn chun an uachdair
.
Question
7. Carson a tha Daibhidh ag iarraidh air Mr Holland am boireannach a chuidheachadh?
Tha am prìomh charactar mothachail gu bheil e eòlach air an tè seo agus bha iad còmhla aig aon àm. Tha e air oidhirp a dhèanamh a dìochuimhneachadh agus tha e coltach nach eil e ag iarraidh a leigeil a-steach na bheatha a-rithist. Mar sin, tha e ag iarraidh air a cho-obraiche a cuideachadh, gus nach fheum e fhèin bruidhinn rithe, no smaoineachadh mun phian a dh'adhbharaich i.
Question
8. Shaoileadh tu gum biodh i air an duine aithneachadh anns a' bhad. Agus tha e fìor gun do dh'fhairich Winnie, sin an t-ainm aice, rudeigin air aigeann a h-inntinn nuair a rug i air làimh air an duine. Am faireachdainn neònach ud, coltach ri snàmh, d' inntinn ag iomradh, a' feuchainn ri ruighinn, a' feuchainn ri ruighinn. Bha cuimhne aig Winnie air an fhàileadh a bh' anns an àite à àiteigin. Ach cha tig e thuice. 'S ann nuair a bha i a' coiseachd sìos Savile Row a thàinig e air ais thuice. Agus thàinig a h-uile càil air ais ann an sruth de dh'uisge chuimhneachain.
Beachdaich air dè cho soirbheachail 's a tha MacLeòid ann a bhith a' cleachdadh ìomhaigheachd uisge sa phàirt seo.
Tha an sgrìobhadair a' cur ìomhaigheachd gu feum ann an dòigh air leth sgileil. Tha e a' cleachdadh fhaclan co-cheangailte ri uisge mar snàmh
agus ag iomradh
airson sealltainn mar a tha Winnie a' strì ri rudeigin a chuimhneachadh. Tha an t-ùghdar a' sealltainn dhuinn gur e rud domhainn agus doilleir a th' anns an inntinn leis an fhacal aigeann
, is ged a tha a' chuimhne ann, tha e uaireannan doirbh a lorg.
Tha an sgrìobhadair ag innse dhuinn, nuair a tha Winnie a' greimeachadh air a' chuimhne, gun tàinig, ..a h-uile càil air ais ann an sruth de dh'uisge chuimhneachain.
