Deddf Hubble
Edrychodd Edwin Hubble ar y golau o alaethau pellach oddi wrth y Ddaear a sylwodd fod y llinellau amsugno tywyll yn dangos rhuddiad mwy. Ei gasgliad oedd bod gan y galaethau pell ruddiad mwy oherwydd eu bod yn symud i ffwrdd yn gyflymach.
Defnyddiodd Hubble y rhuddiad i gyfrifo cyflymder galaethau o'i gymharu â'u pellter oddi wrth y Ddaear.
Pan roddodd y data mewn graff, roedd yn dangos llinell syth drwy'r tarddbwynt.
Mae hyn yn dangos bod cyflymder galaeth mewn cyfrannedd union â'i phellter oddi wrth y Ddaear. Mewn geiriau eraill, os yw pellter yr alaeth oddi wrthyn ni'n dyblu, mae ei Y cyflymder oddi wrth yr arsyllydd. hefyd yn dyblu.
Dyma Ddeddf Hubble.
Cysonyn Hubble “H” yw graddiant y graff. Mae \(\frac{1}{\text{H}}\) yn rhoi oed y Bydysawd – yr amcangyfrif presennol yw tuag 13.7 biliwn o flynyddoedd.
Gan fod y cyflymder enciliol yn cynyddu gyda phellter yr alaeth, mae'n awgrymu bod yr holl alaethau wedi tarddu o un pwynt.
