Cam tri - dull
Dewis y dull holiadur mwyaf priodol ar gyfer y sampl o bobl sy’n cymryd rhan.
Mae dulliau holiadur yn cynnwys:
- cyfweliadau wyneb-yn-wyneb
- cyfweliadau ffôn
- holiaduron sy’n cael eu hanfon drwy’r post
- holiaduron ar-lein
Enghraifft bywyd go iawn un
Os wyt ti’n targedu pobl sydd dros 80 oed yn dy ymchwil, efallai nad holiaduron ar-lein fydd y dull mwyaf addas i’w ddefnyddio, oherwydd mae’n bosibl na fydd pawb sydd dros 80 oed yn gyfarwydd â bod ar-lein.
Enghraifft bywyd go iawn dau
Os wyt ti’n targedu plant ifanc ar gyfer dy ymchwil, ni fyddai cyfweliadau ffôn yn addas oherwydd materion yn ymwneud â diogelwch. Yn ychwanegol at hyn, ni fyddai plant ifanc iawn yn gallu canolbwyntio’n ddigon hir i ateb cwestiynau dros y ffôn, ac ni fyddent yn ddigon hen i fynegi barn.
Cam pedwar - cwestiynau
Bydd pwrpas dy ymchwil, a fydd wedi’i sefydlu yng ngham cyntaf y broses o ddatblygu holiadur, yn dy helpu i benderfynu pa fath o gwestiynau i’w defnyddio:
- cwestiynau agored
- cwestiynau caeedig
- cyfuniad o’r ddau
Mae nifer o wahanol ffyrdd o ffurfio cwestiwn hefyd. Bydd angen ystyried yn ofalus sut bydd yr ymatebion i’r cwestiynau yn cael eu dadansoddi. Mae’n bosibl coladu a dadansoddi cwestiynau caeedig yn llawer cyflymach. Os ydym yn defnyddio rhaglenni arolygon ar-lein fel Moodle, GoogleForms a Surveymonkey gallwn wneud hyn ar unwaith.
