Llyfryddiaeth
Bydd angen i ti gyfeirnodi gwaith drwy gynnwys llyfryddiaeth ar ddiwedd dy waith.
Mae llyfryddiaeth yn rhestru’r holl ffynonellau rwyt wedi eu defnyddio i gael syniadau neu i ddeall mwy am y pwnc dan sylw. Mae llyfryddiaeth hefyd yn cynnwys y ffynonellau sydd wedi cael eu cyfeirnodi’n uniongyrchol ym mhrif ran y gwaith.
Mae anodi llyfryddiaeth yn cael ei ystyried yn ymarfer da. Mae hyn yn golygu cynnwys disgrifiad byr o gynnwys ac ansawdd y ffynhonnell, a pha mor ddefnyddiol oedd hi.
Mae gwahanol ffyrdd o ysgrifennu cyfeirnod sydd i’w gynnwys mewn llyfryddiaeth. Mae’r enghreifftiau a ganlyn yn defnyddio dull poblogaidd, sef system Harvard System sy’n cael ei defnyddio i ysgrifennu cyfeiriadau at ffynonellau..
Ar gyfer llyfr sydd ag un awdur
Cyfenw, Llythyren flaen yr enw cyntaf. (Blwyddyn cyhoeddi). Teitl. Argraffiad (I'w nodi dim ond os nad yr argraffiad cyntaf ydyw). Dinas lle cyhoeddwyd: Gwasg, tudalennau.
Enghraifft (argraffiad cyntaf)
Parry, R.G. (2012). Cymru'r Gyfraith - Sylwadau ar Hunaniaeth Gyfreithiol. Caerdydd: Gwasg Prifysgol Cymru, tud.37.
Enghraifft (argraffiadau eraill)
Parry, R.G. (2012). Cymru'r Gyfraith - Sylwadau ar Hunaniaeth Gyfreithiol. 3ydd argraff. Caerdydd: Gwasg Prifysgol Cymru, tud.37.
Ar gyfer llyfr sydd â dau awdur neu ragor
Cyfenw, Llythyren flaen yr enw cyntaf a Cyfenw, Llythyren flaen yr enw cyntaf. (Blwyddyn cyhoeddi). Teitl. Argraffiad. Dinas: Gwasg, tudalennau.
Enghraifft
Reynolds, D., Bellin, W. a Ieuan, R. (2006). Mantais Gystadleuol - Pam Fod Ysgolion Cyfrwng Cymraeg yn Perfformio'n Well. Caerdydd: Sefydliad Materion Cymreig.
Ar gyfer erthygl mewn cyfnodolyn
Cyfenw, Llythyren flaen yr enw cyntaf. (Blwyddyn cyhoeddi). Teitl yr erthygl. Cyfnodolyn, Cyfrol (Cyhoeddiad), tudalennau.
Enghraifft
Davies, G. a Hughes, S. (2016). 'Peidiwch ag anghofio am gyfraniad pwysig y dyniaethau!' – Arolwg o Farn Darpar Athrawon am y Cwricwlwm Cymreig. Cylchgrawn Addysg Cymru / Wales Journal of Education, Cyf. 18, Rh. 2, tt 62-80.
Ar gyfer erthygl newyddion o dudalen ar y we
Cyfenw, Llythyren flaen yr enw cyntaf. (Blwyddyn cyhoeddi). Teitl yr erthygl. Papur newydd, [ar-lein] tudalennau. Ar gael ar: url [Darllenwyd: Dydd Mis (wedi ei dalfyrru lle'n bosibl) Blwyddyn].
Enghraifft
BBC. (2017). Newid y Gyfnewidfa. BBC, [ar-lein] Ar gael ar: http://http://www.bbc.co.uk/cymrufyw/38983582 [Darllenwyd 13 Maw. 2017].
Question
Tro’r wybodaeth a ganlyn yn gyfeirnod Harvard:
Argraffiad cyntaf llyfr o'r enw Visual Note-Taking for Educators: A Teacher’s Guide to Student Creativity gan Wendi Pillars (2016). Wedi ei gyhoeddi yn Llundain gan wasg Blackwell, tudalennau 57-59.
Pillars, W. (2016). Visual Note-Taking for Educators: A Teacher’s Guide to Student Creativity. London: Blackwell, tt57-59.
Question
Tro’r wybodaeth a ganlyn yn gyfeirnod Harvard:
Erthygl newyddion y BBC gan Steffan Messenger (2012). Darllenwyd ar 2 Chwefror 2017. http://www.bbc.co.uk/cymrufyw/35463908. Pasio Mesur Amgylchedd newydd i Gymru.
Messenger, S. (2016). Pasio Mesur Amgylchedd newydd i Gymru. BBC Cymru, [ar-lein]. Ar gael ar: http://www.bbc.co.uk/cymrufyw/35463908 [Darllenwyd: 2 Chwef. 2017]
