Riadh fillte
Tha riadh fillte coltach ri riadh sìmplidh bhon a tha e air a chur-ris gach bliadhna.
'S e an diofar eadar na dhà gur e sùim stèidhichte de riadh a th' ann an riadh sìmplidh a tha air a chur-ris gach bliadhna, ach le riadh fillte, tha an t-sùim air a bheil riadh air obrachadh a-mach ag atharrachadh gach bliadhna.
Tha an riadh air obrachadh a-mach airson a' chiad bhliadhna, agus an uair sin bidh sin ga chur-ris an t-sùim a bh' ann bho thùs. Bheir sin dhut an t-sùim an dèidh a' chiad bhliadhna.
Tha riadh airson na dara bliadhna an uair sin air obrachadh a-mach an dèidh a' chiad bhliadhna, agus bheir sin an uair sin dhut sùim eadar-dhealaichte de riadh bhon chiad bhliadhna.
Eisimpleir
Obraich a-mach an riadh fillte a choisinneas Jane air \(\pounds6000\) aig \(2.8\%\) airson 3 bliadhna.
Dòigh 1
Bliadhna 1
\(2.8\% \,de\,6000\)
\(= 0.028 \times 6000\)
\(= \pounds168\)
Bliadhna 2
\(2.8\% \,de\,6168\)
\(= 0.028 \times 6168\)
\(= \pounds172.70\)
Bliadhna 3
\(2.8\% \,de\,6340.70\)
\(= 0.028 \times 6340.70\)
\(= \pounds177.54\)
Sùim an dèidh bliadhna 3: \(\pounds6340.70 + \pounds177.54 = \pounds6518.24\)
Sùim iomlan de riadh fillte air a chosnadh \(= \pounds6518.24 - \pounds6000 = \pounds518.24\)
Dòigh 2
Tha an dòigh seo gu math nas luaithe.
Bhon a tha an riadh a' dol suas \(2.8\%\,sa\,bhliadhna\) tha seo a' ciallachadh gur e an t-sùim \(102.8\%\) dhen bhliadhna roimhe. Mar sin:
\(102.8\% \,de\,6000\)
\(= 1.028 \times 6000\)
\(= \pounds6168\)
Ach chan eil seo a' toirt dhut ach an t-sùim an dèidh bliadhna 1. Airson an t-sùim an dèidh bliadhna 3 obrachadh a-mach:
\({(1.028)^3} \times 6000\)
\(= \pounds6518.24\)
Feuch seo a-nis:
Question
Obraich a-mach an riadh fillte a choisinneas \(\pounds8000\) aig \(2.2\%\) gach bliadhna airson 5 bliadhna.
\({(1.022)^3} \times 8000\)
\(= \pounds8919.58\)
Sùim iomlan de riadh fillte air a chosnadh \(= \pounds8919.58 - \pounds8000 = \pounds919.58\)
Freagairt: \(\pounds919.58\)
