Azərbaycanın bir sıra kütləvi informasiya vasitələrində Gülər Əhmədovanın hakim Yeni Azərbaycan Partiyası (YAP) sıralarından xaric edildiyi barədə xəbərlər yayılıb.
Müxalifət yönlü KİV-lər ilə yanaşı bu barədə məlumatlar hökümətpərəst mediada da yayılıb.
Xəbərlərdə əsasən Modern.az saytına istinad edilir. Bu sayt isə öz növbəsində məlumatı YAP-dan aldığını qeyd edir.
Məlumatlarda bildirilib ki, sentyabrın 29-da Yeni Azərbaycan partiyansıın rəhbər strukturlarının toplantısı keçirilib "və son günlər adı rüşvət qalmaqalında hallanan deputat Gülər Əhmədovanın YAP-dan xaric olunması barədə qərar çıxarılıb".
Eyni zamanda hakim Yeni Azərbaycan Partiyasının rəsmi internet səhifəsi olan www.yap.org.az saytında hakim partiyanın Qadınlar Şurası üzvlərinin siyahısında Əhmədova Gülər Mikayıl qızının adı 16-cı sırada əvvəlkitək qalmaqdadır.
