Fəaliyyətinə xitam verilmiş Azərbaycan Beynəlxalq Universitetinin rektoru Elşad Abdullayevin internetdə yerləşdirdiyi deputatlığa görə rüşvət videosunu əhalinin təxminən on faizindən çoxu izləyib, bunu BBC Azərbaycancaya Milli və Beynəlxalq Araşdırmalar Mərkəzinin rəhbəri Leyla Əliyeva deyir.
Əliyevanın fikrincə, onların da çoxu internet istifadəçisi və müxalifət qəzetlərini oxuyanlar olub, çünki televiziyalar hökümətin əlindədir, amma o biri tərəfdən camaat belə məsələləri həmişə bilib, təzə heç nə yoxdur:
Camaat həmişə bilib ki, Parlament seçkiləri və ümumiyyətlə, Azərbaycanda seçkilər yoxdur və deputatlıq üçün alver gedir. Sadəcə video şaiyələrin sübutu oldu, Əliyeva qeyd edir.
sadə və təsadüfi deyil"
Onun sözlərinə görə, əslində məsələ sadə və təsadüfi deyil və iki məsələnin göstəricisidir:
Bir, sistemin mahiyyətini sənədlə sübut etdi, iki, sistem içərisində hakim elita arasında ziddiyyətləri göstərdi.
"Gələcəkdə görəcəyik ki, əslində kim kimə qarşı tələ hazırlayıb"
Leyla Əliyeva, Milli və Beynəlxalq Araşdırmalar Mərkəzinin rəhbəri
Baş verənləri Prezident Administrasiyanın rəhbəri Ramiz Mehdiyeva qarşı olduğunu deyən Əliyeva, hansısa qrupun Mehdiyevin mövqeyini zəiflətmək istəməsi ehtimal edir:
Gələcəkdə görəcəyik ki, əslində kim kimə qarşı tələ hazırlayıb.
Hadisədən sonra hansı addımlar atılması barədə Əliyeva gözləmək lazım olduğunu deyir.
Sentyabrın 25-də Fransada yaşayan Elşad Abdullayev internetdə özü, deputat Gülər Əhmədova və Sevinc Babayeva arasında söhbətin video-yazısı ehtimal olunan material yayıb.
Baş Prokurorluq tərəfindən araşdırılan videoda deputat seçilmək üçün 500 min verilməsi və əlavə 500 minin tələb olunmasından əks olunur.
Millət vəkili Gülər Əhmədova yerli mediaya video çəkilişin həm səs, həm də görüntüsünün tamamilə montaj olunduğunu deyib.
