Policët serbë kërkojnë të punojnë nën komandën e UNMIK-ut.

Rreth 300 policë serbë janë pezulluar nga puna, pasi kanë refuzuar të marrin urdhëra nga eprorët e tyre shqiptarë, duke kërkuar të punojnë nën komandën e UNMIK-ut.

Kjo në shenjë reagimi ndaj shpalljes së pavarësisë së Kosovës. Komisari i policisë, Larry Wilson, dhe zëvendësi i tij, Sheremet Ahmeti, përmes një letre të hapur, kanë thënë se Shërbimi Policor i Kosovës dhe qytetarët kanë nevojë që këta pjesëtarë të kthehen në pozitat e tyre.

Ata duhet të lejohen që të kryejnë detyrat e tyre pa frikë, kërcënim apo frikësim, thuhet në letrën e hapur të krerëve të policisë, në të cilën u bëhet thirrje qytetarëve që t'i mbështesin këta policisë të kthehen në vendet e tyre të punës.

Serbët në Graçanicë protestuan të mërkurën, duke kërkuar që policët e pezulluar të kthehen në punë dhe të punojnë vetëm nën komandën e UNMIK-ut.

Protestuesit kanë thënë se pavarësia e Kosovës është e papranueshme për serbët.