Ekipi i Unitetit thotë pavarësia është e vetmja zgjidhje kompromisi.

Ekipi Negociuesve të Kosovës ka deklaruar të enjten se nuk pret asnjë rezultat konkret nga takimi në Bruksel dhe e ka kritikuar palën serbe për joseriozitet në bisedime.

Përfaqësuesit shqiptarë kanë përsëritur qëndrimin se bisedimet kanë të bëjnë me të ardhmen e popullit të kosovës dhe se pavarësia e saj është e vetmja zgjidhje kompromisi.

Takimi i Prishtinës dhe Beogradit do të zhvillohet në Bruskel ditën e diel dhe do të shënojë takimin e dytë me radhë të drejtpërdrejtë mes të dyja palëve pas atij të New Jorkut nga fundi i shtatorit.

Pritet që Beogradi zyrtar të mbajë qëndrimin e tij se Kosova është pjesë e Serbisë dhe se asaj do t'i ofrohet autonomia e zgjeruar në kuadër të Serbisë.