Presidenti i Kosovës Fatmir Sejdiu dhe kryeministri Agim Çeku

Duke raportuar në Kuvendin e Kosovës mbi procesin e statusit, anëtarët e Ekipit Negociator thanë se pavarësia e Kosovës është e panegociueshme, por u shprehën të gatshëm që me Serbinë të bisedohet për çështje tjera që janë në interes të përbashkët të të dyja vendeve.

Pavarësia e panegociueshme

Presidenti i Kosovës, Fatmir Sejdiu ka paraqitur para deputetevë një platformë të Prishtinës zyrtare për rrugën përpara drejt zgjidhjes së statusit.

Sipas platformës së palës kosovare pavarësia e Kosovës është e panegociueshme, tërësia territoriale e pacënueshme, ndërsa pakoja e Ahtisarit nuk mund të hapet për ndryshime tjera.

Udhëheqësit kosovarë thanë se do të angazhohet për bisedime me palën serbe për cështje që nuk kanë të bëjnë me statusin, por nuk do të pranojnë shtyerje të reja të zgjidhjes.

Ekipi Negociator ka premtuar ruajtjen e partneritetit me bashkësinë ndërkombëtare deri në fund të procesit.