Projekt-rezolutë për programin bërthamor të Iranit

Franca, Britania dhe Gjermania propozojnë vendosjen e një afati deri në nëntor që Irani të bindë bashkësinë ndërkombëtare se nuk po përpiqet fshehurazi të zhvillojnë armë bërthamore.

Por projekt-rezoluta nuk shkon deri aty sa të përfshijë një kërkesë të Shteteve të Bashkuara që kjo çështje të dërgohet në Këshillin e Sigurimit automatikisht nëse kalon afati pa reagim pozitiv.

Qeveria iraniane mohon se ka ndonjë plan për të zhvilluar armë bërthamore, por ka kundërshtuar kërkesat për të braktisur programin e pasurimit të uraniumit, që ajo thotë se bëhet vetëm për prodhimin e energjisë.