MM Abiy Ahimad: 'Irreechi irreefi mallattoo sabboounummaa Oromooti'

MM Abiy Ahimad fuula feesbuukii waajira MM irratti Afaan Oromoon ergaa ''baga ayyaana Irreechaan isiniin gahe'' jedhu dhaaman.

Mata duree ''Irreechi Sonawwan Sirna Gadaa Keessaa Mallattoo Nageenyaa fi Tokkummaati'' jedhuun barreefama waayee Irreechaa ibsu fuula jahaarratti barraa'e waajirichi maxxanseera.

Barreefamichi ''Kabajamaa fi Hammataa Uummata Oromoo! hunda dura baga guyyaa kabajaa ayyaana guddaa galateeffannaa, jaalala, qulqullummaa, nageenya, dhiifama, araaraa fi aantummaa namoomaa itti laallabamu fi dhugoomu kanaan nagaan geessan, baga gammadne jechuun'' eegala.

Irreechi kun kan gara injifannoo haarawaatti ce'uuf waadaa keenya itti haaromsinu, jaalalaafi hammataa ta'uudhaan jibbinsa kan itti mo'annu nuuf haa ta'us jechuun dhaamaniiru.

''Ayyaanni kun mallattoo tokkummaa fi calaqqee eenyummaa Oromoo ta'uu isaa yeroo kamiyyuu caala akka mikanaa'u taaasisuuf hirmaannaa naamusaa fi ilaafi ilaameen qajeelfame gochuu keessaniif galata guddaan isiniif galchaa'' jechuun Ilmaan Oromoo galateefataniiru.

''Gara fuula duraattis dirree kamiyyuu keessatti tokkummaa keenya caalaatti akka jabeeffannuuf waamicha Oromummaa koo isniif dhiyeessuun barbaada.''

Irreechi kun kan gara injifannoo haarawaatti ce'uuf waadaa keenya itti haaromsinu, jaalalaafi hammataa ta'uudhaan jibbinsa kan itti mo'annu nuuf haa ta'us jechuun dhaamaniiru.

Itti aansuunis mata dureewwan maalummaa ayyaana Irreechaa fi duudhaa Oromoo ibsan 14 jalatti yaada isaanii kaahaniiru.