Sarooti shan barattoota gargaaruuf yunivarsiitii Miidilseeks galan

Daataa qusachuuf barreeffama qofa dubbisi
Saroota Miidilseeksitti
Ibsa waa'ee suuraa, Saroota barsiisa gargaaran shan, kan biraa sadiinis dhiyootti hojii jalqabu.

Sarooti shan yunivarsiitii Miidilseeks Landanitti argamutti hojii barattoota yeroo qormaataa dhiphataniifi barumsa dhiisuuf saaxilaman gargaaruuf hojii jalqabani.

Sanyiin saree Laabraadoors jedhaman ''saroota barsiisa gargaaran'' ta'aniiru, kunneen fayyummaafi nageenya sammuu barattootaa fooyyeessuu irratti hojjetu.

Sarooti shanan kunneen kaardii eenyummaa mataa isaanii qabu.

Hoggantuun kutaa fayyaa yunivarsitichaa Fiyoonaa Suuzars '' dhiphinni yeroo hir'isu kallttidhumaan sitti dhagahama jetteetti''

Warqaa eenyumaa sarootaa
Ibsa waa'ee suuraa, Sarooti kunneen warqaa eenyumaa mataa isaanii argataniiru

''Baayyee namattii tola kana bal'inaan itti fufu barbaaanna''

''Bu'aa saree daree keessatti xiyyoora ciistu qabaachuu ibsuun nama rakkisa.''

''Jalqaba yaada kana yoo dhiyeessinu fiixaan ba'a jennee hin amanne turre''

Suuzars, sarooti kunneen leenjii addaa fudhataniiru miira sirrii akka qabaachuu isaaniifis sakkatta'insi cimaan taasifameeraafi jedhan

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Sarootaa fi barattoota
Ibsa waa'ee suuraa, Yunivarsitichi dhiphina barattootaa hir'isuuf saroota fayyadamaa jira

Baatii darbe chaansilarii ittaanaan Yunivarsiitii Baakingihaam Sar Antoonii Seeldoon saroota mana barumsaa keessatti dhiphina hir'isuuf fayyadamuun deeggaraniiru.

''Mana barumsaa keenya keessatti fayyaa sammuu fooyyessuuf kuni tarkaanfii isa si'ataafi guddaa dha.

Yoo xiqqaate ijoolleen nageenyai akka itti dhagahamuuf sareen tokko mana barumsaa biyyatti keessa jiran keessa jiraachuu malu'' jedhan