Daa'imni ilkaan waliin dhalatte guyyaa 12 booda buqqifameef

Daataa qusachuuf barreeffama qofa dubbisi
Islaa Roozi fi ilkaanshee

Madda suuraa, JASMIN HEASMAN

Ibsa waa'ee suuraa, Haati daa'ima kanaa daa'ima ishee umurii kanatti yaala ilkaanii nan geessa jettee hin yaadne.

Daa'imni ilkaan waliin dhalatte guyyaa 12 booda ilkaan ishii waldhaansa fayyaan buqqifamef.

Haatii Islaa Rooz jiraattuun biyya UK magaalaa Pilaaymaawuz, umurii kanatti daa'ima ishee yaala ilaakniif gara waldhaansa fayyaa nan geessa jettee yaaddee akka hin beekne dubbatte.

''Socho'u waan tareef buqqifachuu qabdi ture. Ana caala goota dha, hin boonye'' jetti Jasmiin.

Ogeeyyiin gidduu gala yaala ilkaanii ''Seven Trees'' Islaa Rooz nama umurii xiqqaa yaala ilaakniif isaan bira dhuftee akka taate himan.

Daa'imman hedduun ilkaan soogiddaa kan biqilchuu eegalan ji'a jahaa eegalee ta'us, kaan ji'a afuriittis waggaa tokko boodas ni biqilchu.

Islaa Roozi fi ilkaanshee

Madda suuraa, JASMIN HEASMAN

Ibsa waa'ee suuraa, Islaa Rooz wayita ilaan ishee buqqa'u hin sodaanne

Akka ragaa Waldaa yaala ilkaanii Briiteenitti(BDA) daa'imman 2,000 keessaa tokko carraa ilkaan waliin dhalachuu qabu.

Hidda jabaa waan hin qabneef osoo hin buqqa'u.

Ogeeyyiin fayyaa ilkaanii ilkaan akkasii waayita haatii harma hoosiftu rakkoo qabaachuu mala jedhu.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame