Mesut Ozil: Utubaan Arsenaal ammaan booda Jarmaniif taphachu hin barbaadu jedhe

Daataa qusachuuf barreeffama qofa dubbisi
Ikay Gundogaan fi Mesut Ozil taphataa Jarman Senk Tosun waliin ta'un pirezidantii Turkii waliin suura yeroo ka'an

Madda suuraa, Getty Images

Ibsa waa'ee suuraa, Ikay Gundogaan fi Mesut Ozil taphataa Jarman Senk Tosun waliin ta'un pirezidantii Turkii waliin suura yeroo ka'an

Utubaan Arsenaal Mesut Ozil ammaan booda tapha idil-addunyaa kamuu Jarmaniif taphachuu hin barbaadu jedhe.

Ibsa dheeraa taphataan kun baasen akkitti Waldaan Kubbaa Miilaa Jarman (DFB) isa hubate ammaan achi ''uffata taphattoota idil-addunyaa Jarman lammata akka hin uffanne'' na taasise jedheera.

Jarman Waancaa Addunyaa irratti milkaa'u dhabu ishiif illee komatameera jedhe.

Baatii Caamsaa darbe Pirezidantii Turk Resiph Xayib Erdohaan waliin sagantaa Landanitti taasifame irratti suura ka'een qeeqame ture.

Yeroos isa waliin taphataan Jarman biraa Ikay Gundogaan waliin ture. Lammanu hiddi isaanii gara Turkiiti.

Haa ta'u malee, pirezidantii waliin waa'ee kubbaa miilaa qofa haasofne jechuun himeera.

Paartiin Turk bulchaa jiru suura isaanii kana yeroo filanoof qopha'anitti gadhiise ture. Ergasiis Erdohaan filannoo sana mo'un isaanii ni yaadatama.

Biyyi Jarman fonqolcha mootummaa Turkitti taasifameefi fashalaa'e hordofe tarkaanfii mootummaan fudhate qeeqxee turte.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame