Zukarberg: Feesbuukiin 'dorgommi hidhannoo' Ruusiyaa waliin godhaa jira
Madda suuraa, EPA
Hogganaan olaanaa feesbuuk kan ta'an Maark Zuukeerbeerg dhabbanni isaanii waraana dhabbilee Ruusiyaa midiyaa hawaasaa dhunfachuu barbaadanii waliin lola dhabbatarra jiraachusanii kongresii Ameerikaatti himan.
''Kun dorgommi waraanaati. Dorgommiin kunis cimee itti fufaa kan demudha,'' jechuunis dubbataniiru.
Zukeerbeerg kana kan jedhan, badii Kaambriij Analytikaan raawwate ilaalchisee gaafii dhihaateef deebii wayita kenanitti ture.
Itti dabaluunnis hojii waliin dhahuu Ruusiyaan yeroo filannoo bara 2016 hojjette jedhamee illaalchisees abukaatoo olaanaa qorannoo kana kan ta'an Roobeert Muuleer, hojjettoota Feesbuuk gaafatanii akka turanis ifa godhaniiru.
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Ximaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Xumura maxxansa X
Gaafii wajjira Muuleeriin godhame kana keessa isaan akka hinturrees dubbataniiru.
Haa ta'u malee ''hojiin abukaatoo olaanaa kana waliin taasifnee iccitiidha, kanaafuu bakka akkanaatti iccitii akkanaa gadbaasee haasa'uu hindanda'u.'' jedhanirus.
